استشارة من :ابو ميار خطاطبه‎

كيفك دكتور ممكن مساعدتك انا من الاردن

بنتي عمرها سنتين و9 اشهر اصيبت بمرض السحايا وهي عمرها شهر ونص ودخلت مستشفى اسبوعين وبعد هيك تخرجت من المستشفى ليله واحده فقط ورجعت ارتفعت حرارتها وتم ارجاعها الى المستشفى وتم اخد خزعه مره تانيه وتبين انو السحايا رجعلها بنسبه اكبر من الاول وتم اخضاعها لكورس تاني من العلاج لمده اسبوعين . واصيبت اثناؤ ذلك بالتهاب في الرئه وتحسنت حالتها ولكن الارتفاع في الحراره بقي ملازم لها وكل ما آخده
ا لدكتور يحكيلي البنت بدها تطلع اسنان عشان هيك الحراره .... لحتى وصلت عامها الاول اخدتها على دكتوره وحكيت الها اللي صار معها حكتلي بنتك عندها شي بالدم لازم تراجع المستشفى بالفعل اخدتها وحكيت للدكتور بالمشفى اللي صار معها وانو الدكتوره بتحكي شي بالدم . بالفعل عمل زراعه للدم وتم تدخيلها للمشفى وتبين انو عندها جرثومه بالدم بالاضافه لجرثومه بالبول . اخدت كورس علاج لاسبوع وخرجت بالسلامه والحمد لله وضعها الصحي هلا منيح بالرغم انها لسه ما اخدت ولا مطعوم لحد هلا .. لكن المشكله الكبرى انو وزنها قليل وما بزيد يادوب كل 6اشهر بيزيد نصف كيلو ...بشهر( 1 )من هذا العام كان وزنها( 11ك )وكان عمرها سنتن ....و بشهر( 7 )كان وزنها (11.5)وهاد الشهر( 10) وزنها نزل ل (11ك)... وبلاحظ اكلها كتير صار خفيف ودائما نايمه يعني ساعات نومها اكتر من 15 ساعه باليوم ..... وانا محتاره كتير شو اعمل الاطباء بحكوا انو وزنها طبيعي بالنسبه لعمرها .؟ شورايكم ياريت تساعدوني

عيادة الاطفال
هذه التهابات متكررة بسبب نقص في المناعة ونمو الطفلة جيد ولا داعي للقلق ونموها جيد وعليك تطعيمها للانفلونزا واعطائها التغذية الجيدة وفقط

د.أكرم سعاده