استشارة من :Amani Salhab
السلام عليكم...
دكتور ابني عمرو شهرين إلا اسبوع بضل يعيط ما بنام بالليل أكتر من ساعه وبالنهار نفس الشي وطول الوقت حاملتو بسكت شوي وبرجع يعيط عطيتو دوا المغص اسمو ايزي غو عشر نقط وما في فايده مغاطس وتدليك بطنو بزيت الزيتون عكس عقارب الساعه وما بيسكت الاخراج عندو كتير منيح وطبيعي حراره ما في بس أسفل البطن عاليمين عندو زي طابه يابسه بتظهر وهو بشد عحالو وبتختفي بس يسكت شو أعمل معاه دكتور...اسفه عالإطاله .
مشكور دكتور

• 
  
• 

  عيادة الاطفال سلامات اولا بالنسبة للكتلة اللي عشكل طابة اسفل البطن هذه يجب فحصها لانها على الاغلب افتاق واذا كان افتاق تحتاج لعملية باقرب فرصة وبالنسبة للنوم مادام الاخراج عند الطفل منيح وبياخد دوا للمغص بدون تحسن فهذا على الاغلب نكد ونادرا ما يكون الطفل يشكو من مرض معين يسبب هذا النكد وانصحك بزيارة طبيب اطفالكم للاطمئنان وحاولي ما تضلي حاملة الطفل لانه تعود على الحمل وهذا يفاقم من المشكلة واصبري على بكائه