استشارة من سهى هل يشكل جدري الماء خطورة على طفل في عمر السنة ام يجب ابعاده عن الاطفال المصابين بها و متى يصبح المرض معدي في اي مرحلة؟؟؟ مع الشكر

استشارة من اكرم طفلي يجيه بعض الاحيان اانقطاع تنفس فجئه عند شرب الحليب ووعند مايكون مستلقي كمان فيدوني جزاكم الله الف خير

استشارة من فاطمة مرحبا دكتور ابني عمره 11 شهر ولسا دفوخه ما سكر شو بتنصحني اعمل؟؟

استشارة من لميس اولا بنتي بتنام عضهرها وبدشيها من10 دقايق لربع ساعة بس اوقات مابتتدشى مع اني بصبر عليها هل في خطورة لانها بتنام عضهرها وهل لازم احط تجت راسها وكتافها مخدة? تانيا صرلها يومين رضاعتها قليلة يعني بترضع 10 دقايق وبس وبعدساعتين بترد بترضع 10 دقايق مع العلم انها بترضع طبيعي

استشارة من ام محمد ابن اخويا من سنتين وهو عندو زيادة كهربة يا دكتور واخد علاج بتابع عند دكتور اخصائي وهادا الدكتو بعد سنتين من العلاج كتبلو ع حبوب واحسن الحمد لله بس هالايام صورو صورة سي تي وقالو انو اتحسن ارفعو العلاج عنو واخويا رفعو فضل الولد شهر بخير هالايام فجاة لقينا بليل وهو نايم مغما عليه ومش حاسس بدنيا اخدنا المشفى وصحي وروحو طلع الصبح بردو غيب ودناا المشفى وبردو صحو وروحو والظهر بردو غيب ع الاخر لغاية ما حطو العناية لانو ما صحي الا بلاكسجين وطلعو من العناية وبيتو ليلة بلعلاج لغاية ما مشي العلاج بدمو ورجع ياخد بدل مرة بليوم صار تلاة مرات والله خايفين عليه كتير شو بتنصحنا ممكن نعملو وكيف ممكن يتخلص من هيك شي وشكرا الك

استشارة من ruba amer السلام عليكم .. دكتور علب هريس الفواكة والخضار التي تعطى للاطفال الرضع في الشهر الرابع هل تعطى من بداية الشهر الرابع ام بعد اتمامه؟؟؟

استشارة من ديالا ابو الهيجا لو سمحت دكتور انا بنتي عمرها عشر شهور من اول ما انولدت كان بقعه حمرا على انفها حجمها تقريبا 1-2سم وبداخلها شرايين دقيقه بدي اعرف بتروح لحالها ولا بدها علاج وشكرا جزيلا الك

استشارة من تسنيم كيف اقدر كمية الحليب الصناعي سيميلاك عندما اعمله مع الكسترد وغيره لطعام طفلتي وهل يجوز وضع الحليب على النار مع الكسترد ؟

استشارة من ALa Jabr دكتور بنتي شهر ونصف وكل يوم بتصيبها الزقزوقه بعد الرضاعه وبصوت مزعج ما حلها

إستشارة من ولاء : كم معدل النوم الطبيعي خلال النهار بنتي رح يصير عمرها شهر

استشارة من هبة نشوين ابني عمره تسع شهور حاليا وقع مرتين مرة كان عمرة ست شهور ونص من الكرسي على الارض بس كان على الارض سجادة ولما كان عمرو تسع شهور وقع من التخت وهو نايم على الارض هل في المستقبل يكون لهم تاثير عليه وهل يجب علي ان اخده الى طبيب شكرا

استشارة من أم رياض سلام دكتور أسعد ,أسعد الله أيامكم وشكرا لكم على مجهوداتكم القيمة جعلها الله في ميزان حسناتكم , دكتور أنا أعاني مع ابني كثيرا بسبب الإمساك زرت أطباء متخصصين وصفوا لي دواء إسمه FORLAX ليشربه إلى أن يصل إلى أربع سنوات لكن بدون جدوى ,ومؤخرا عملت له فحص الدم وإتضح أنه يعاني حساسية الحليب ،هل حساسية الحليب لها علاقة بالإمساك ? و أيضاً هو متأخر في الكلام تحسن قليلا ,جملة من ثلاث كلمات ويكرر كل ما يسمعه, بماذا تنصحني جزاكم الله خيرا واسمحو ا لي على الإطالة .

استشارة من سارة ابو تركي يعطيك العافية دكتور ابني عمرو 10 شهور وما طلعلو اسنان اليوم الصبح صار عليه حرارة وبتروح وبترجع وما عندو اي اعراض تانية يعني مو مريض شو السبب لو سمحت

إستشارة من ayat : السلام عليكم دكتور انا ابني عمره 10اشهر وصارله شهر ما برضى ياكل شي من لما يشوف المعلقة بلف وجه وبسكر تمه.بحاول اطعمي بأيدي بياكل مرات بس برفض بالمعلقة.مع العلم انه برضع وبنام عادي وما في نكد . حاولت اجوعه وما ارضعه ولكن دون فائدة شو الحل؟؟؟

إستشارة من malak : السلام عليكم بنتي عمرها 10 اشهر لاتستطيع الوقوف هل هذا طبيعي ولا حتى بمساعدتي

استشارة من ام هاشم دكتور ابني ولد بفشل كلوي... وهلا اموره احسن الحمدلله وعمره صار سنه و 4 شهور بس مابمشي ولا بحبي

إستشارة من ام ليث : بنتي عمرها سنتين واربع شهور حاولت انضفها مش متقبلةالفكرة 5 ايام ولا مرة عملتها بالنونو وصار بطنها يوجعها لانه بتشد عليها لحتى ما تعمل بالنونو مع العلم انها بتفهم وبتحكي كل شي

استشارة من رتيل مرحبا دكتور .. عندي استشارتين اولا: بنتي لما ولدت لونها كانت ابيض و وردي لكن بعد يوم من ولادة تغيرت لونها لصفار شوي تغيرت بياض عيونها لاصفر بعد 5 ايام عملنا تيست دم نسبة بيليروبين كانت 9.85 و دكتورها قالت عادي، هلا عمرها 52 يوم صفار راحت بس لون وجها ما بيعاجبني كانها مش طبيعي. راجعت دكتور لما عمرها 37 قالت لونها اصفر بس مش مرض صفار كتب لي تحليل دم cbc بنتجة طلعت كلشي طبيعي الا نتجة hct كانت 33 دكتور قال انه قليل شوي و كتب قطرة vitane مرة في يوم بس لهلا ما في فرق ، و الحل؟ ثانيا: برضع بنتي رضاعة طبيعية بس احيانا مثل بليل برضعها رضاعة صناعية بس لما برضعها طبيعية هي براجع حليب مو كل مرة بس غالبا حتي اني بعمل تجشو .. ملاحضة : تعاني من كثرة غازات و المغص .. و الحل؟ وزنها : 4800غم ، عمر : ...

استشارةمن ملك السلام عليكم .شكرا لحضرتك . لوسمحت يا دكتور بنتى عندها 8شهور وزنها عند الولادة 2.5 وحاليا 6.5 هى بترضع حليب صناعى رونالاك 6-7 مرات باليوم 120 مل حوالى 800 مل . واحيانا بتاكل سيريلاك او زبادى او بطاطس مهروسه. السؤال/ هل وزنها طبيعى وممكن اعمل عشان ازود الوزن . هى طلعت سنيتين اللى تحت من عمر 6 شهور ولهلا ما طلعت غيرهم . امتى بدها تطلع تانى . اما بالنسبه للفيتامينات والحديد والكالسيوم ممكن حضرتك تقولى على اسمائها والجرعة . متأسفه على الاطاله لانى ام لاول مره وما ...

استشارة من om yman يعطيك العافية دكتور ،، ابني عمره شهرين و17 يوم بنام كثير بالنهار وبالليل حابة اعرف كم المفروض ينام بعمره هاد ، هوه الحمد لله ما بيشكي من اشي وبيسمع منيح ويكاغي وبلاعب وبتبسم وحركة اطرافه منيحة وبيرضع طبيعي ،، طوله 60 سم ، ووزنه 5.800 ،، بس نومه لكثير مزعجني الله يهديه ... شو رأيك دكتور ..

استشارة من سامر يعطيك العافية دكتور. ابني سامر بلشت أنظفه من 10 ايام ولهلأ ما بطلب مني يروح الحمام لما يحتاج، انا لازم أضل أفقده، وازا ما فقدته بعملها عحاله. بيحكي وبيقدر يعبر لما بدو اي شي واجتماعي لكن ما بطلب الحمام. في البداية كان لما يعملها عحاله يحكي نونو بعد ما عمل وهلأ بطل يحكي. النقطة الوحيدة اللي تقدم فيها انه انتظم التبول عنده يعني بدخله الحمام كل ساعة او ساعتين مرة بعد ما كان يعملها كل نص ساعة وانه كان يقطع البول عنده وهلأ بطل يقطع وصار بعملها مرة وحدة لما يدخل الحمام. سؤالي لك هل ألافضل اكمل معه ولا يتأجل الموضوع لبعد شهرين؟

إستشارة من أم : اريد ان اعمل عمليه تضيق المهبل ....هل يؤسر البنج ع الرضاعه

استشارة من اماني الرفاعي مرحبا دكتور بنتي عمرها 3 سنوات عليها سخونه ومن اشوي اشتكت من حكه ببطنها وظهرها وعندها طفح جلدي ورقبتها ووجها احمر

استشارة من ام سيف السلام عليكم ورحمة الله وبركاته.الله يعطيك العافيه دكتور بدات انظف ابني من اسبوعين وتجاوب عالنونيه والحمدلله بطلب انو يعملها بحكيلي نونو واذا لابس الحفاظه عند النوم بحكيلي قبل ماينام انو بدو يعملها واذا مارديت بصير يبكي وفعلا بعملها وهو اصلا مضايق من الحفاظ.لكن للان مابعملها اجلكم الله عالثقيل متعود يعملها واقف واذا حطيت النونيه ببطل يعملها والحمام مش متقبله شو الحل؟مش قابل ارجع الحفاظه ونظف من البول.اسفه على الايطاله.وشكرا

استشارة من ام محمد حسين ابني اول ما استيقظ من نومه بدا يتقيأ و اي شي يشربه يستفرغه أخذته للطبيب أعطاه إبرة B6 بعدها توقف التقيؤ لكن ارتفعت حرارته وأعطيته خافض حراره و انخفضت حرارته ، هل السبب فايروسي او أنه الطفل أخذ برد ، وهل يتوجب اعمله تحاليل لانه من شهر صارت عنده نفس الحاله لكن مع إسهال وبدون ارتفاع الحرارة

إستشارة من أم : شؤالسلام عليكم لو سمحت دكتور بعرف ما هي شغلتك لكن ممكن تحكيلي شو اعمل او لوين اروح ولو سمحت ما بدي نشر بدي يضل سر... الطفل اليوم عندو 5 سنوات.. حركه زائده ما بيرد ما بيهتم بالغلط كل شي عمل بيضرب اي طفل وبيحكي ما عملت واحيان بيعترف بدون اهتمام علمنا كتير شرحنا وحكينا وعاقبنا نحرمو من شغلات بحبها وجربنا نعطي مكافاه اذا رد جربنا الضرب وجرنا بحبسه بمكان لمدة خمس دقائق على هوا عمره بيزعل بس بعديها بيرجع يعمل نفس الغلط اي اشي تتخيلو جربنا ..لكن مبين بدو يزيد عن الحد كاين منزل بنطلون لبنت ويعني الصراحه مادد ايدو وتعاقب على هاد الاشي وتفهم انه غلط .. وحكي انه ما بدي اعملها مرة تانية ... اجا طفل تاني بعد اكم يوم من الي اجو عندنا بيحكي بدو يخليني نزل بنطلوني وبعد هيك اخر مره كان ينادي على ابن عمو وهوا بالحمام ليجي ...

استشارة من Abeer Al-Boukai السلام عليكم من فضلك ابني عمره اسبوع بس كل مرة بيرضع فيها لازم معدتو تخرج هل هالشي طبيعي ؟ 2. انا لدي التهاب مرارة هل تؤثر عليه بشئ ؟ مع جزيل الشكر

استشارة من ميس حجاوي ابني دايما بيراجع من جديد كل ما يرضع مني او حتى من الرضاعه باستمرار بيراجعهم ودايما ممغوص

إستشارة من ليان : بنتي شهورعندها قبل فتره اسهال وقئ يوم واحد حللنا البراز طلع معها التهاب في الأمعاء كيف نتعامل مع الالتهاب وعلاجه وشوالاطعمه المناسبه الها

إستشارة من عمر : التهاب حلق وفي عقد بلغميات ظاهرين وكان يتكلم بشكل جيد و عند صراخ والدته اصبح يخجل و يتئتك بكلام مع العلم ان دكتور وصف ogmenten 312 و يوجد رشح ارجو مساعدة

إستشارة من أم أحمد العلي : السلام عليكم دكتور... ربنا يعطيك العافية ويرفع قدرك: ابني عمرو أربع سنوات وأخته أصغر منو عمرها سنتين ونصف والو كمان اخ عمره 6 شهور، هلأ مشكلة ابني الكبير حتى اللحظة بحب يمسك شعري لما ينام ، كان لسة قبل أشهر يرضع بالرضاعة كمان لكن أنا رفعتها عنه، لكن بشعر إنو بحب يلعب بشعري كتير وبشعر أخوه الصغير وهذا قد يسبب لي الكثير من الإزعاج، إيش ممكن يكون السبب برأيك؟وإيش الحل؟

استشارة من ام يوسف السلام عليكم بنتي عمرها ثلاث سنوات بس شعرها خفيف كتير وجاف ما بعرف ايش اعمل معها بعد الحمام لازم استخدم زيت او كريم ما هو الكيم او الزيت المناسب بعد الحمام؟ وهل هناك حل فعال للشعر الخفيف

استشارة من ديالا ابني عمره 5 اشهر ونصف وزنه 10 كيلوا وطوله 70 هل وزنه زائد؟ واذا كان زائد هل يضر ؟

استشارة من عبير دياب مرحبا دكتور ابني عنيد جدا بالاكل و ما بيفتح تمه مع العلم انه طوله 76 و وزنه 9 كيلو اكله منيح بعطيه 3 وجبات رئيسية بس ايام بعند بشكل فظيع عالاكل، كيف ممكن اغير من طباعه عالاكل واحببه فيه و الطريقة الوحيدة اللي زبطت معانا عشان ياكل هيي قدام التلفزيون و انا كتير خايفة من تاثير التلفزيون مع العلم اني ما بشغله الا وقت الاكل

استشارة من shoroq يعاني ابني من المغص في ساعات منتصف الليل و حتى الفجر مع العلم اني قمت بعمل كل الارشادات للتخلص من العازات من طريقة الرضاعة و شرب اليانسون و المريمية و الدواء سيميتله مساج للبطن بزيت زيتون و لن يجدي نفعا نصحني طبيب عام بشاي امبرس هل هو ضار؟؟ هل يوجد شطرق اخرى لتخفيف المغص عنده؟؟