استشارة من Ranosh Zgh
مرحبا دكتور .. ابني عمره سنة و5 اشهر من شهرين ونص صار معه التهابات معوية والتهابات على صدره(سخونة ومراجعة) ونيمته بالمستشفى ليلتين وبعد يومين رجعته المستشفى واعطوني دوا بس بلا نوم .. ومن قبل رمضان بيوم صار معه سخونة اعطيته خافض حرارة وراحت ومن اول يوم رمضان بلش معه اسهال 4 مرات باليوم وما بياكل ابدا غير الرضاعة الطبيعية لحد 14 رمضان مع العلم اني اخدته مرتين على دكاترة اول مرة قلي اسهال طبيعي واعطاني فاتح شهية لحتى يصير ياكل تاني مرة قلي التهابات بفمه واعطاني مضاد حيوي وخافض حرارة لانو الحرارة لازمته من تاني يوم رمضان توصل 39 وما تنزل الا مع الخافض ... يوم 14 رمضان صار معه اسهال كل نص ساعة اخدته على دكنور تاني قلي واصل جفاف درجة تالتة ضروري ينام بالمستشفى ونمت فيه كمان ليلتين .. ومن يومها الولد الاسهال ماراح عنه نهائي ,, وتالت يوم العيد صار معه مراجعة كتييييييييير كل شي بياكله يراجعه على طول وزاد الاسهال كمان .. اخدته على دكتور تاني قلي معه فيروس والتهابات معوية,, ما استفاد الولد عالادوية .. اخدته على ست مرجه قالت انو مفري بس لسا وضع الولد مش عاجبني (مع العلم انو طالعله 5 اسنان وجديد لاحظت انو في طاحونة بتطلعله)
اسفة للاطالة ..وان شاء الله اجد الإجابة عندك يا دكتور

عيادة الاطفال :

هذه التهابات فايروسية ادت الى تحسس في الامعاء ويجب اعطاء حليب نباتي france lait LF وعدم اعطاء اي من مشتقات الحليب لمدة اسبوعين وعدم اعطاء اي ادوية حاليا واذا لم يتحسن بعد اسبوعين احكيلي

د.أكرم سعاده