استشارة من :Marah Khleafeh Amad
السلام عليكم دكتور
بدي اسال عن مرض ابو حافور ما هي اعراضه وطرق علاجه وفترة احتضان المرض وكيفية العدوى
بنتي عمرها 3 سنوات وبعد ما تعرضت لارتفاع درجة الحرارة ووجع بالفم شخصلها الدكتور المرض ابو حافور اعطاها cefadrox 250 ودهون للفم وتحاميل للحرارة للاسف كشفنا المرض متاخر والها 10 ايام بتعاني من المرض ومن تقرح بسقف الحلق واللسان. وصفولنا وصفات طبيعية لدهن الفم مثل الكربونة والتوت الشامي وجربناها وكان ينزل دم كتير من فمها بالاضافة للاسهال الشديد وان شاء الله هلا باواخر المرض. اختها الكبيرة ظهر حبة صغيرة بلسانها ومرات بكون عليها حرارة. شو اعمل حتى ما يزيد المرض كتير زي اختها وهل من اول المرض منقدر نشخصه؟؟
شكرا كتير الك دكتور واسفة للاطالة

 عيادة الاطفال
ابو حافور مصطلح يستخدمه الناس وليس الاطباء وهو دلالة على وجود تقرحات بالفم غالباتكون بسبب فايروس والعلاج لا يحتاج لمضادات وانما لمسكنات عامة متل التحاميل وموضعية دهون للفم متل كاموميلو والاكثار من السوائل وتجنب الاكل الحار والحامض لحد ما تروح واذا الطفل ما كان ياخد سوائل احيانا يحتاج لاعطائه السوائل بالوريد بالمستشفى

د.أكرم سعاده