استشارة من Lina Naser ابنتي عمرها شهرين قاموا باعطائها نص ببرونة عصير عنب طبيعي لانني كنت غير موجودة هل في ذلك خطورة

استشارة من Ghada Adnan Halaweh السلام عليكم : لو سمحت دكتور بنتي عمرها سنه و8 شهور وزنها حاليا 15 كغم وزنها عند الولاده كان 3.7 كغم مع العلم انه اعتمادها الاكبر على الحليب .فهل هي تعاني من الوزن الزائد ؟

استشارة من ننوش ننوش عالعافيه دكتور بالنسبه للاميبا بنت سلفي عمر ها 1سنه و10 شهور اعطيتها امها دوا FLAGYL لمده 3اسابيع خفت بس ماراحت نهائيا والاميبا الها4 شهور معها بتخف وبترجع هل من الممكن انها تروح بدون دوا شو سببها وهل هي خطيرة؟؟

استشارة من Khulood Shehab Dwikat يعطيك العافيه دكتور ابني يامن عمره سنه ونص صارلو تلت ايام ما باكل ولا إشي عايش عالحليب ومحل طواحينه مبيض وفي طاحونه طالعه شو اعمل ابطل اعطيه رضعات

استشارة من Kozeen Alhazeneh مرحبا دكتور انا اليوم خلعت ضرس العئل وبنجني الطبيب موضعي ابني عمره 3 شهور متى بسير ارضعه واشفط الحليب واكبه ابل ما ارضعه ؟؟؟ وشو بئدر اعطيه لانو جوعان وعم يبكي

استشارة من ايمن الرفاعي السلام عليكم دكتورة شو منشان التسنين انا بنتي عمرها10 شهوربس ما طلعت أسنان من يومين كانت مسهولة هل له علاقة بتسنين وهل هذا العمر طبيعي بدون أسنان لك جزيل الشكر وأسف عل إطالة!

استشارة من Hoor Ibraheem السلام عليكم: لو سمحت دكتور بنتي عمرها سنتين وسبع شهور من مبارح بتستفرغ اعطيتها مضاد بس ما وقفت وشكرا

استشارة من نسمات الصباح ابني عمرو 8 شهور واسبوعين بدي نظام غدائي للاكل كثير بيغلبني لما ياكل ومايرضى ياكل وانا باكلو غصبنن عني فيدني يا دكتور

استشارة من Haneen Ramadan مرحبا دكتور انا بنتي عمرها سنة ونص اكتشفت امبارح انه عندها طاحونة مبلشة تسوس هلا لازم اخدها على دكتور الاسنان والا لسة صغيرة لاني خايفة عليها من البنج وكيف ممكن اني اتفادى تسوس اسنانها علما اني بلشت افرشيلها اياهم

استشارة من هاني عمر دكتور انا بدي اسال انا ابني عمرو سنتين ونص من فترة نضفتو و كل شي تمام بس في عندو عادة من يوم ما نضف بضل يحط ايدو و بحاول اني امنعو و مش عارفة شو اعمل كتير ناس قالولي اسالي الدكتور مش عارفة كيف اخليه يبطل هاي العادة و شكرا كتير

استشارة من Heba Lefdawe السلام عليكم :لو سمحت دكتور بنتي عمرها سبع شهور ووزنها 9 كيلو تقريباوهي سخنانه كتير اعطيها تحاميل 150او 300وشكرا

استشارة من لحظة حنين استشارة من ام امير السلام عليكم دكتور انا ابني عمره شهرين ونص وجوزي طعماه علبة دنيت على شكلاته بأثر عليه ؟

استشارة من Susan Mohmed السلام عليكم اسعد الله مساكم ارجومن سيادتكم افادتى ابنى منذولادته وهو يصدرصوتا مرتفع وتنفسه له صوت الانين وهوالان يبلغ الشهرين ومازال ذلك الصوت المرتفع يصدرمنه عندمايتنفس وكأنه ترس دراجه يعانى من الاحتكاك بالاجزاء الاخرى وعندما سألت احد الاطباء اقر بان ذلك يسمى ليونه فى الحنجره فهل هذا أمر طبيعى للرضع وان كان ذلك فمتى واين وكيف يؤثر على الطفل مع العلم ان ابنى اثناء نومه تصيبه شرقه وبستيقظ وكأنه لايستطيع ان يلفظ انفاسه اشكرك جزيلا مع فائق الاحترام وجزاكم الله خيرا

استشارة من Tarez Farajian Shaheen مرحبا دكتور . انا ابني عمرو ثلاث شهور وبعطي لهايه من شهر بس قبل اربع ايام اكتشفت انو الصيدلي معطيني لهايه من عمر 6 _ 18 شهر والمشكله انو ابني متعلق فيها كتير لانها كبيره وما بتوقع من تمو مع اني جبتلو وحده من عمر 0 - 6 شهور بس ع الفاضي مش راضيها بالمره وبصير يبكي لما ارجعلو الهايه القديمه بسكت . سؤالي . هل بتضر الهايه 6 - 18 شهر لعمر ابني 3شهور . وشو تنصحني اعمل . وشكررررررا جزيلا

استشارة من Ala'a Khalil السلام عليكم هل مص الاصبع يؤثر على الرضاعة ؟ ابني عمره 3 اشهر ومن لما صار يمص اصبعو بطل يرضع منيح سؤال تاني : لاني بدي اشتغل عودت ابني على الصناعي وصرت احس انه بطل يحب يرضع مني . شو الحل ؟ كيف ادمج بينى الطبيعي والصناعي؟

استشارة من Yasmeen Gh Risheh Gazal دكتور بس عندي سؤال مش كتير فاهمه بالنسب للاكل هلاء تولين كمان اسبوع بتصير 7 شهور حضرتك حاطط بالموقع انها بتحتاج حليب و بتحتاج الى (2-3) وجبات مكمله و (1-2) وجبه خفيفه في اليوم وشو يعني وجبات خفيفه وهي من يوم ما بلشت ادخلها الاكل بطلت تقبل الحليب كتير يعني نص الكمية الي كانت تادها قبل ما ابلش اطعميها مش عارفه بصراحه شو انظام الي لازم امشيها عليه لانه كمان مش عك بيزيد وزنها شكرا كتير على كل المساعدات الي بتقدملهالنا بجد حضرتك اثبتلي انه الطب لسه بخير في فلسطين

استشارة من Soso Sos حابة استشيرك ابني عمرو 2 شهرين و وزنو 6 كيلو وطوله 62 سم ومحيط الراس 42 مع العلم انو عند الولادة كان 4:700 وطوله 58 سم ومحيط الراس 35 برضع رضاعة طبيعي هل وزنو جيد أو بحاجة لحليب صناعي للمساعدة ارجوك فيدني انا اكتير قلقة من هاد الموضوع

استشارة من Walaa Abu Ali السلام عليكم دكتور ابني عمره سنة و 5 اشهر وهو صغير كان يضل يفرك دانه وبطل لفترة طويلة بس هلأ رجع بضرب دانة بايده او للدقة بحط ايدنه على دانه طالع نازل كأنه بهوي او بحرك فيها مع العلم انو بسمع منيح يعني اول ما اناديه برد شو ممكن السبب لو سمحت

استشارة من شيماء شيماء مرحبا دكتور ,يعطيك العافيه . بنتي عمرها 3 شهور ونص رضاعتها طبيعيه والحمدلله بس لاحظت جديد انو بعد ما اخلص من رضاعتها واحطها اتنام بتضع اصبعها الابهام الكبير بتمها وبتصير اتمص فيه وبتنام وهو بتمها هدا الحكي بس الو يومين علما انها ما قبلت اللهاي شو اعمل لحتى تتخلص منها وبأثر ولا لأ يعني اشه طبيعي وشكرا الك

استشارة من Rola Ghanem مسا الخير دكتور ورمضان كريم لو سمحت بني معها كحة شو ممكن اعطيها دوا وعمرها 8شهور بس لسا ما بتعلق على رجليها في خوف او في اطفال بيتأخروا وانا بعطيها فيتامين أ ود

استشارة من عزة عزالدين مسالخير دكتور..رمضان كريم ينعاد عليكي بالصحة والنجاح والمزيد من العطاء والتألق...ابني عمره سنة وتمانية أشهر..بلاحظ كثير انو بمشي على أطراف أصابعه لما مايكون لابس برجله شي..هل هاد عادي دلع يمكن ؟أم أنه يحتاج لفحص لدى الطبيب؟

استشارة من Manhal Almohiesn السلام عليكم دكتور بنتي عمرها شهرين ونصف يوجد عندها حول الصرة في البطن انتفاخ بسيط وعندما ضغطت علي السرة لاحظت وجود صوت هواء في الداخل هل معناه انه يوجد عندها فتاق في الصرة وماهي اعراض الفتاق

استشارة من Sarab Ellel يعطيك العافية دكتور وشكرا كتير الك على هاي الصفحة اللي بنستفيد منها كتير خبرات ومعلومات . حابة استشيرك دكتور انه بنتي عمرها 7 سنين بضلها تعملها على حالها بالليل يعني تقريبا كل يوم اخدتها على الدكتور وعملنا تحاليل والحمد لله ما طلع عندها اي نوع التهاب اعطاها دوا حكالي تستمر عليه 3 شهور بس ناسية اسمه والله وفعلا اخدت الدوا وخفت كتير يعني صارت يمكن كل اسبوعين مرة بس الها اسبوع رجعت زي الاول حتى بالنهار صارت تعملها وهيي مش حاسة حالها مع العلم انها السنة صف اول ومش عارفة شو اعمل معها يا ريت تنصحني شو اعمل . وآسفة كتير على الاطالة

استشارة من Walaa Shaheen يعطيك العافية دكتور انا بساعد بنتي حليب بروميل جولد وعمرها 8 اشهر مناسب ولا لأ

استشارة من Hana Nobani مرحبا دكتور .. يعطيك العافية... انا سنعت انة الطفال ال يبسننو بصيبهم اسهال ... وكمان طفح بمنطقة الحفاظ وحرارة ... دكتور هل كل طفل بسير معو هيك ... والا حسب الطفل... وازا كان الطفل استجابتو كويسة للمطاعيم وما بتاثر فيها كتير هل هاي الأعراض ممكن تسير عندو والا ممكن ماتسير .... وممكن اعرف ترتيب ظهور الأسنان من فضلك؟ وشو الأكلات الي بتناسب الي بسننو؟ وسوال تاني الطفل متى بسند رقبتو بشكل جيد بدون مساعدة ابد... وشكرااا كتير

استشارة من Fatima Al-zobaidi يعطيك العافية دكتور ابني صار معه إسهال من 6 أيام واخرج معه دم أول يوم ؤبعدين وقف الإسهال وبعد 3 أيام رجع اخرج إسهال مع دم بس الإسهال مو قوي وتاني يوم اخرج أسهل مع دم وأخذته عملتله كل الفحوصات و HB عندو 11.5 وطلع عندو blood في stool بس ما في أي نوع جرثومة بالفحص للعلم هو إكتيف وما عندو مغص وما صار معه حرارة ولا شيء من هاد والدكتور اعطاني إله Falgel للعلم أنا ممرضة حابة أخذ رأيك بالحالة ؟؟ والدم بيخرج ميكس مع البراز ولون الخروج أحمر وشوي غامق ، بس الغريبة أوقات بخرج طبيعي بدون الدم ؤأوقات مع الدم

استشارة من Lina Naser يعطيك العافية دكتور 1- بنتي اطرافها بضل باردة الايدين والرجلين خاصة عند الاصابع علما انو عمرها شهرين طبيعي ولا 2- هل الزقزوقة عند الطفل دليل عاشبع لانو كتير بتجيها الزقزوقة 3- شو بتنصحني اعمل مع بنتي بطعم الشهرين لانو كتير بغلب يسلمووو دكتور

استشارة من Magda Nashe Bitar Abuzarour مرحبا دكتور ، بالنسبة لمطاعيم السنة و نصف مش موجودة بالصحة ، بأثر لو تأخر ابني لا ياخد الطعم ولا ما بأثر ؟

استشارة من Doaa Al-Sharo السلام عليكم انا بنتي عمرها شهرين الا اسبوع ومعها اسهال من اسبوع باليوم تفريبا 4-6 مرات وهي بتعمتد على الرضاعه الطبيعيه فقط.... شو الحل لوقف الاسهال

استشارة من Shosho Mizo M د- بنتى عندها 4 شهور والدكتور قالى ابدء اكلها بالزبادى ولما تاخدة اكلها الباقى بس عايزة اعرف ااكلها اية باللظبط

استشارة من Amal Badawi يعطيك العافية دكتور بدي استشيرك انا طفلي عمرة سنة و5 شهور وبحب يتفرج عالتلفزيون خصوصا قناة طيور الجنة بس طبعا مش بشكل متواصل يعني بعض الاناشيد بتجذب انتباه .هل هذا يؤثر على طفلي باي شكل .وشكرا ويعطيكك العافية

استشارة من ام فراس السلام عليكم ابني عمره 7 اشهر لاحظت اليوم ازرقاق تحت العيون ما سبب ذلك هل يحتاج للطبيب علما بيوخذ الحديد نسبة دمه كانت8.5 من15 يوم

استشارة من Wedad Lefdawe السلام عليكم .. لو سمحت يا دكتور ... ابني عمره سنه وشهر .. وبدأ يمشي وهو في عمر 11 شهر.. بلاحظ تقويس في اجريه .. طمني هدا عادي ولا في مشكله .. مع العلم انو بمشي منيح

Malak Alroohاستشارة من يعطيك العافيه دكتور ابني عمره اربع شهور كل ماينقرص مكان القرصه بتعمل وبتكبر وبتعبي ابيض وبتمها اكتر من اسبوع ---------انا بعطيه فنستيل كعلاج للحساسه وبدهنله هستكال بس من دون فائده

استشارة من Sofi Salameh السلام عليكم دكتور, أنا بعرف 3 لغات و كنت حابة أعلم ابني أكتر من لغه هو لسساته شهرين حابة أسأل كيف ممكن أعلمه و امتى أبدى معه ؟ و هل يتعرف وين ممكن الاقي كتب و مراجع بهذا الموضوع لأني مو ملاقيه ..