استشارة من Zaieanb Arafat
اسم الطفل وعمره: مريم 5 سنوات
اسم الطفل وعمرة :- مهدي 4سنوات
فلسطين - رام الله
دكتور بنتي كل ما تنقرص هي واخوها من القارص بسير حب غير طبيعي على جسمها واحيانا الحب هذا بنتشر بالراس وكمان بعبي مي وببلش على شكل دارة حمرا وتنتفخ مرة وحدة واخلالها الايام بتعبي مي الحبة وبالاخير بتنشف وبتسير بوز اسود وتنشف وتروح طبعا خلال المراحل هذه عذاب من الحكة
اخذتها على دكتور حسين السلوادي في رام الله وحكالي هاي حساسية واعطاها ابره كرتزون عبارة عن depomedrol+ syrup rinazal + filicort tupe
وما زالت بيجي عليها هذا الحب كل ما انسى احط ماكنة القارص البنت والولد نفس المشكلة عندي شو الحل والله هلكت معهم وبحكهم يا حرام كثير ، احكيلي دكتور شو اعمل

عيادة الاطفال
مع الاسف هذا تحسس شديد وما في حل نهائي ولكن افضل شي الوقاية واذا الطفل تقرص بالسرعة الممكنة ادهني فنيستيل جل ولكن اذا التهبوا يقتضي فحص الطبيب و الوقاية من لدغ الحشرات :
1- ضع المستحضرات المنفرة و الطاردة للحشرات على ثياب الطفل و ليس على جلد الطفل
2- ضعي قاتل او طارد الحشرات ( السائل أو الأقراص ) في الغرفة خصوصاً قبل النوم .
3- ضعي شبكاً ناعماً على النوافذ .
4- ضعي ناموسيةً فوق سرير الطفل .
5- ألبسي الطفل خلال التجول في الحقول ملابس تغطي الجسم مع كم طويل .
6- ألبسي الطفل بيجاما تغطي الأيدي والأرجل اذا كان جسمه حساساً للقارص