استشارة من Noor Abu Shu'leh
السلام عليكم دكتور انا من الاردن بنتي عمرها 3 شهور ونص فحصت لها البراز قبل شهر وطلع معها أميبا متحوصلة واعطاني الدكتور دوا اسمه ديلوزول اعطيتها منه اسبوع وتركته اسبوعين ورجعت كملت العلاج اسبوع وبعدها فحصت ولسه معها الاميبا حكالي الدكتور اترك العلاج شهر وبعدين ارجع اعطيها العلاج.... بنتي منكدة ودائما معها مغص ووجع وبتعيط ومش عارفة شو اعمللها .. وكل ما ترضع بتعيط كتير وبتشد ع بطنها...... في ناس بتحكيلي صوريها ممكن يكون معها خلع ولادة وهو سبب نكدها واشي بحكي كل نكدها ووجعها سببه الاميبا... وفي ناس بحكولي أعطيها اشياء طبيعية زي مغلي قشر الرمان .. وانا والله مش عارفة شو الحل.. .. ياريت لو تفيدني وتنصحني بجواب شافي ولك مني كل الشكر..؟؟

عيادة الاطفال‎:
هذه ليست اميبا والفحص غلط وما تعطيها اي دوا والاطفال بهالعمر بعانوا من النفاخ
أكثر الحالات لا تكون بسبب حالة مرضية ما ، و تكون بسبب ابتلاع الهواء
يمكن مساعدة الرضيع الذي يرضع من ثدي الأم لكي يتخلص من الغازات كما يلي :
• تجنب إرضاع الطفل و هو مستلقي و إرضاع الطفل بوضعية يكون فيها رأس و صدر الطفل مرتفعين .
• حمل الطفل بوضعية الوقوف على الكتف وتدشئته بالضرب الخفيف على ظهره لمدة 10 دقائق بعد كل رضاعة .
• تجنب الأم المرضع لكل الأطعمة المسببة للغازات مثل الفاصولياء و الفول و الحمص و الفلافل و المسبحة و العدس و الزهرة و البصل و الملفوف و حليب البقر و بعض مشتقات الحليب و المشروبات الغازية وعصير البرتقال .
• عدم استخدام اللهاية للطفل
• تمسيد و تدليك البطن بعد الرضعة بساعة بلطف .
• قد تفيد بعض الادوية الخاصة بمغص الرضع مثل السيميثيكون في تخفيف الغازات .

و يمكن مساعدة الرضيع الذي يرضع من الحليب الصناعي لكي يتخلص من الغازات كما يلي :
1. تجنب إرضاع الطفل و هو مستلقي و إرضاع الطفل بوضعية يكون فيها رأس و صدر الطفل مرتفعين .
2. عدم إمالة و تغيير وضعية الزجاجة خلال الإرضاع لمنع بلع الهواء وعدم السماح للصغار بارضاع الطفل.
3. استخدام حلمة كبيرة و غير مشققة .
4. عدم استخدام اللهاية للطفل ..
5. حمل الطفل بوضعية الوقوف على الكتف وتدشئته بالضرب الخفيف على ظهره لمدة 10 دقائق بعد كل رضعة .
6. تمسيد و تدليك البطن بعد الرضعة بساعة وبلطف .
7. قد تفيد نقط السيميتيكون في تخفيف الغازات .
8. اعطاء حليب خالي من اللاكتوز LF في حالات حساسية او عدم تحمل اللاكتوز .
ولمزيد من المعلومات اسمعي هون :

http://www.youtube.com/watch?v=V_0koT4Dnfo