استشارة من :Alaa Namoos
عوافي دكتورعندي كم سؤال لو سمحتابني سنة ,ما بحكي كلمات كتيرة بس بحكي تاتا دادا نانا و ما بقصد فيهم حدا , ولا بأشر باي بايده , ومرات مش دايما لما انادي على اسمه بلتفت , علما انو بقضي ساعات كتيرة بالحضانة , هل ممكن تكون مشكلة ؟؟وسؤال تاني لو سمحت , طرف اظفر اجره الكبير مايل لونه لأصفر ولما قصيته رجع اصفر , وهل لبس الجرابات بالشتا على طول تقريبا مش منيح ؟؟وهل أبلش أنضف اسنانه من هلأ؟ وكيف ؟ وعادي يكون اله مرات ريحة فم مش حلوة ؟واخر سؤال : في موقعك عند عمر ابني مكتوب عادي ياكل لبن ,, شو قصدك فيه ازا كان اللبن البقري ممنوع ؟؟ و هل المبستر (جنيدي وغيره )مسموحوشكرا جزيييييلا

عيادة الاطفال

بالنسبة للكلام منيح هيك بس من الواضح انه طفلك بيتفرج عالتلفزيون وخصوصا طيور الجنة وهذا ممنوووووووووووووووووووووع وسيضره ويفاقم المشكلة فامنعي عنه التلفزيون بالحضانة والبيت ومن علامات الخطر اذا كان بيسكت لما تشغليله التلفزيون واظفره عادي ولا يحتاج لشيء ولبس الجرابات على طول لا يضر ولكن الرجلين بحاجة لتهوية ولو شوي والاسنان طبعا بلشي نظفيها بالفرشاة ومعجون الاطفال الخاص وريحة الفم مش عادية وقد تكون بسبب التهابات او تحسس وانصحك بتنظيف الانف قبل النوم ببخاخ ماء بحر اوتريسالين والاكل : الحليب البقري المبستر ممنوع وليس اللبن لان التحسس اقل