استشارة من Em Sarah

مساء الخير دكتور وكل عام وانتم بخير وينعاد عليكم بالصحه والخير

لو سمحتلي بسؤال :بنتي عمرها 6 سنين ومن نصف رمضان لليوم وعندها ئحه ناشفه مع بلغم بدون رشح ولا انفلونزا وما اعطيتها دواء ما بحب اعطيها كتير فقط بغليلها اعشاب وزهورات ولكن يوم الجمعه امبارح بالليل من كتر الئحه وهي نايمه صارت تخرج دم فانا وابوها خفنا كتير واخدتها على المستوصف فقط هو اللي كان فاتح وفي دكتورللاطفال عمللها صورة اشعه لصدرها والحمدلله الرئات نظيفه وحكالي شوية التهاب عالقصبات واعطاني فنتوكير +رينازال شراب ولسه عندها الئحه ناشفه ومو عارفه شو اعمللها هل الالتهاب يسبب نزول الدم من الحلق ؟فاريد منك جواب صريح وما عندي اي مانع اعملها شو ما تحكيلي ولك جزيل الشكر .

عيادة الاطفال :

هذا سعال ناتج عن تحسس قصبات بسبب التهاب فايروسي او نتيجة حساسية معينة وبيزيد بالليل عادة وافضل شي عمل تبخيرات فنتولين كل 4 ساعات ( 1سم فنتولين +2سم ماء ملحي ) واذا لم تتحسن الئحة خلال يوم مع التبخيرات فيجب اعادة تقييم الوضع من قبل الطبيب واحيانا السعال المطول يكون بسبب جرثومة اسمها مايكوبلازما بتعمل حساسية طويلة فانصحك باعطاء مضاد azimex 22.5 ml والجرعة 7.5 مل مرة يوميا لتلاتة ايام والف سلامة
عودي الى الطبيب افضل لاعادة التقييم

د.أكرم سعاده