نصائح للأخوات في الغربة :
• ضلي حاكي طفلك ولاعبيه قد ما تقدري واذا اعطيتيه معظم وقتك مارح تواجهي أي مشكلة مما تخافين متل تأخر النطق او عدم التفاعل مع الآخرين وصدق من قال الأم مدرسة يعني لحالها بتكفي وبتوفي
• إحذفي كل القنوات الغنائية للأطفال من الريسفر .
• أنصحك بإرسال طفلك للحضانة بعد عمر السنتين.
• لا تتذمري كثيراً امام طفلك من الغربة فإنه بذلك سينتبه إلى ما هو ليس بوارده أصلا .
• كوني لطفلك الأم والصديق والقريب .
• احكي لطفلك عن النواحي الايجابية للغربة ولا تركزي على السلبية والبعد عن الاهل .
• عندك فرصة ذهبية تربي طفلك متل مابدك بدون ماحدا يتدخل فيكم وبدون مؤثرات خارجية متل الالفاظ السيئة وغيرها....هيك فكري وماتخلي فكرة انك بعيدة عن الاهل تسيطر عليكي وتتعبك .
• اطلعي مع طفلك عالاقل مرتين اسبوعيا مشوار لو شوماكان عمره فهذا يحسن نفسيتكما
• في السفر يمنع اعطاء الطفل منوم مهما كان السفر طويلا ومتعبا.
• ضروري تهوي البيت مرة يوميا على الاقل لو شو ما كان نضيف .
• انقلي الاطفال لغرفة مغلقة لحين تهوية المنزل ومن ثم تهوية الغرفة بعد نقلهم الى الغرف المهوية .
• علمي طفلك الحفاظ على هويته وتراثه وعاداته وماينسى أصله لأنه أول ماينسى أصله رح ينساكي وهذه حقيقة .
• ازرعي في نفس طفلك حب بلده بمدحها كثيرا ولا تذكريها بسوء وفهميه انه يوما رح يرجعلها حتى لو ما كان في عندكم نيه لانه ان اضطررتم الى الرجوع يوما ما فلن يتقبل الامر ببساطة كما لو مان مهيئا .
• قد تكونين الاحوج لطفلك مستقبلا مشان هيك ربيه صح على عاداتك و دينك واخلاقك وليس عادات البلد الذي تقيمون فيه ليحفظك مستقبلا .
• اذا حسيتي انه نطق او سلوك طفلك مش صح فانتبهي : ممكن تكوني ما بتعطيه الوقت اللازم و بهذه الحالة امنعي التلفزيون عنه نهائيا وحاكيه ولاعبيه معظم الوقت فأنت الشفاء .
• كتير بجمعات السيدات بالغربة بصيروا ينتقدوا بلادهم قدام ولادهم وانها مش متطورة او متخلفة ...... وهذا سيء للاطفال لانهم بعد فترة رح يعتبروكم جزء من هالتخلف .
• البعض يعيشون حياة قاسية عليهم وعلى أطفالهم وبهالحالة فهمي طفلك انه هي فترة البناء مشان بعدين توفروله احلى حياة فالامل يخفف الاعباء .
• تربية طفلك أمانة برقبتك فلا تعهدي بتلك الامانة لاطفال يغنون بالتلفاز .
• انصحك بزيارتك واطفالك كل عام ان امكن لبلادكم فهذا يبقيهم على تواصل ليس مع الاهل فحسب بل مع ثقافتهم و هويتهم .
الدكتور أكرم سعادة
نصائح للمغتربات
