استشارة من Abeer Jamal
مرحبا دكتور ويعطيك الف عافية على المعلومات المفيدة اللي بتزودنا فيها
انا ابني عمره 3 سنوات واربع اشهر وكتير تأخر بالحكي يعني كان كل شي عنده بالاشارة ولما صار عمره 3 سنوات بلش يحكي وهلا انا بفهم عليه كل حكيه المشكلة انه الكلمة بختصر تقريباً كل احرفها، يعني لما بده يحكي روحي بحكي يوحي، وبدل شوفي ووفي، وبدل تفضل بتل، وبدل ابيض اييض وبدل تعالي دادي ولاحظت انه كل الاطفال اللي ازغر منه بيحكوا كل الكلمات بشكل صحيح
شو ممكن اعمله لانه السنة الجاي لازم يدخل الروضة ؟؟ اوديه على اختصاصي نطق ولا شو اعمل؟؟؟
وشكراً جزيلاً على تعاونك معنا

عيادة الاطفال :

لازم نتاكد انه سمعه منيح بالاول واذا كان منيح بكون مشكلة عائلية بالتاخر بالحكي وسرعان ما يتكلم بطلاقة قبل عمر المدرسة ويمكن الاستفادة من اخصائي نطق وانتي كمان علميه شوي شوي على مستوى الحرف والكلمة والجملة والمهم ما تحكو معاه بلغته من اجل المزح او التحبب وهذا مهم

ولمزيد من المعلومات

www.atfalclinic.com/

د.أكرم سعاده