استشارة من :Dana Omar

يعطيك العافية دكتور ..
سبق وسالتك عن مشكلة ابنى عمرو سنتين وتمن شهور انو لما بدو يعمل براز بيبكى بدو بمبرزة لكن البول بالحمام بيعمله وحاليا صار كمان البول ع حاله وحضرتك نصحتنى البسه بمبرز ليل نهار وارجع انضفه بشهر 4 الجاى ان شالله (مع انه كبر قرب عالتلات سنوات ) وانا حاليا بلبسه بمبرز ليل نهار ..
لكن عندى معه مشكلة انه حتى وهو لابس بمبرزة بيبكى بقلي ماما بدى اشطف ممكن خلال الخمس دقايق مرتين يطلب انو يتشطف من تحت طبعا مش عارفة شو ماله عملتله مزرعة بول متل مانصحتنى حضرتك وكان المضاد الحيوي اسمه cephlaxin
وانا مش عارفة شو اللى عنده بالضبط هو امساك ولا حرقان بالبول ولا التهابات احترت معه وومرتين جبناله من الصيدليه تحميله للامساك وبعديها بيعملها يعنى مثلا اليوم الصبح عملها والمساء صار يبكى بدو يشطف وسالت الصيدلى هل بتضر التحميلة او بيتعود عليها قال لا هاى زيت مجمد بس ملين ..
خااصة انه عنده فتحة البول لتحت عن مكانها الطبيعي وعملناله اول مرحلة من العمليه وعنده كمان عمليه بشهر 1 ان شالله..

ارجو تفيدنى يادكتور اخدته عالمستشفى من يومين واعطوه ابره مهدئ وطلبو فحص بول وبراز وانا عملاله فحص قبل هيك ..
هل يستدعى اخده لدكتور مسالك بوليه وتناسليه

او هل يادكتور يكون هدا خوف لانه بيتنا قريب من القصف الاسرائيلي في غزة هو بخاف كتير وببكى من القصف .....................
ارجو تفيدنى دكتور انا غلبتك كتير لكن نفسي ارتاح من مشاكل ابنى التى لاتنتهى ................

 عيادة الاطفال
يجب عمل فحص براز للطفل لاستثناء وجود دود
د.أكرم سعاده