استشارة من :Rama Rama S
السلام عليكم
دكتور شكرا كتير على مساعدتك بس حابة استشيريك بهالموضوع...
ابني يوسف عمرو سنتين الحمدالله بيلعب وبيضحك و كل شي طبيعي بس حاسستو انو اتاخر بالحكي هو بقول بابا ماما تاتا نانا و بسمي ببرونة الحليب (بي )بيركض لعندي و بقلي( بي )و بياخدني على المطبخ حتى اعملوا الحليب و بيعطيني الببرونة هو ابني البكر و ماعندي غيرو و نحنا بالغربة و لوحدنا و ببلد ما بيحكي لغتنا من عمرو سنة و نص و هو بيحكي هالكلمات بس مؤخرا صار يحكي هالكلمات مع كلام مو مفهوم و كانو جمل بس مو مفهومة على فكرة هو بيقلدني كتير بحكم انو معي طوال الوقت بيجيب الصحون و بيحط فيها الفواكة و بيجيب الملاعق و بيحرك كانو عم يطبخ حتى انو صار يكنس البيت و يشطف الارض و بحب لعبة السيارات كتير هو بيعرف وين اجزاء جسمو بس ما بيحكون يعني وين عينو بياخد ايدي و بحطا على عيونو و هيك يعني ..بحب الاطفال كتير بس يشفون بالشارع بيركض عليون مشان يلعب معون بيحب الركض كمان و بس نطلع مشوار بيصير بغني و بيلحن كمان ...و بحب يطلع مشاوير مع ابو لدرجة بسبق ابو على الباب و بيعملي باي بايدو انو هو رايح مع بابا .. بيحب يضمني كتير و يمسكيلي وجهي و بيصير يبتسميلي و اذا لفتت راسي بيرجع بياخدو و بيصير يبتسم بيعمل هالشي لما بيكون مشغوولة عنو
طولت عليك دكتور بس حابة اعرف في داعي للقلق مشان تاخر الكلام عند ابني

• 
  
• 

  عيادة الاطفال واضح بان التواصل والتفاعل الاجتماعي طبيعي والتاخر باللغة بالغربة خصوصا الاطفال اللي بيشوفو التلفاز كتير وخصوصا قناة طيور الجنة او القنوات الغنائية الاخرى وعليك وضعه في حضانة ان امكن تتكلم نفس لغتكم وحاولي تكلمي معه قدر الامكان وباالفاظ الصح ليس كما يقولها هو يعني ما تكرري حكياته و تاكدي من ان سمعه سليم ولمزيد من المعلومات شوفي هون http://www.atfalclinic.com/?page=details&newsID=251&cat=5