استشارة من :‏‎Zuhair Sh‎‏
السلام عليكم دكتور أنا أم عبد الرحمن ثلاث سنوات وخمس شهور اربد - الأردن تواصلت معك من فترة بخصوص ابني عنده مغص من حوالي سنة كل يوم يشكو من وجع في بطنه من عند الصرة وعملت الفحوصات المخبرية اللازمة ونتيجتها سليمة الحمدلله وعملت فحص ال food intollerance testوظهر عنده تحسس من العديد من المواد الغذائية وبعد اتباع الحمية ما خف الألم الآن مرت سنة على مغصه والألم مثل ما هو باستثناء شهرين مروا عليه كان ييجي فيهم المغص مرة أو مرتين بالأسبوع بعد هيك رجع مرة تانية زي الأول يعني مغص كل يوم وأحيانا أكتر من مرة باليوم بالإضافة الى إنه كان يخرج (الله يكرمك )مرة كل يوم صارله شهرين بخرج كل أربع أيام مرة وخروجه ما في إمساك وفي هاد الأسبوع صحي مرتين من النوم بالليل على الوجع مع العلم إنه وزنه وطوله طبيعيين يعني فيهم نمو وجسمه ما في أي انتفاخات أو حرارة آسفة للإطالة لكن بدي أعرف أضل أستنى الوجع يروح لحاله لما يسير خمس سنين ولا شو أعمل

عيادة الاطفال
هذا وجع بطن غير عضوي مع انه مزعج الا انه لا يدعو للقلق
والافضل عدم التركيز عليه لانه رح يزيد وخليه ياكل اكل صحي اكثري
من الخضار والفواكه والطبيخ

د.أكرم سعادة