استشارة من Amal Baddad

مرحبا دكتور انا عنديطفلة عمرها خمسة شهور الاحظ عليها النوم الزائد فهي بتنام طول الليل للصبح وفي النهار بتنام نص النهار تقريبا علما انها بلشت بهالطبع بعد الشهرين ونص تقريبا وعلما انها اخذت كريم dermovate وهي لساها بيبي لمعالجة اكزيما اطفال يعني عالاربعين يوم تقريبا مع العلم انها كمان بتنصح بشكل ملفت فهل يمكن ان يكون للكريم اي علاقة بهذا النوم ؟لانه نومها بيشبه الخمول كتير خاصة انها ماكانت هيك لحديت الشهرين ونص تقريبا وقبل هيك كانت طبيعية جدا تصحى بالليل وتبكي وترضع بالليل وتنكد وتغلب للنوم اما بعدها لليوم فنومها كتير سهل والكل حوالي بحكولي انه طبيعي بس انا امها وحاسة انه في شي لانه فعلا حاسة انه نوم مش طبيعي وخايفة كثير ومش واثقة بكلام دكتور البلدة عنا انه نوم طبيعي بتمنى تفيدني وشكرا كثير الك.

عيادة الاطفال

ما دخل البزاز بهالحكي قطعيا وعالاغلب نومها الزائد هي طبيعتها هيك وطبيعي اذا اكلها منيح وبتنام لازم تنصح والافضل عرضها على طبيب اطفال مشان نتطمن ما في سبب للنوم الزائد

د.أكرم سعاده