استشارة من :Rowan Mhmod سلام عليكم دكتور .. ابني بعد يومين رح يكمل السنه ان شالله شو الحليب اللي رح اعطيه اياه هو هلا بيشرب بيبيلاك 2بس المشكله انه بنصح بالمره بس بطول واكلو بالنهار منيح ماشي الحال متل الجدول اللي انت حاطو تقريبا لغذاء الطفل والحليب بشربو بالليل مرتين بس بدي حليب ينصحو شوي ياريت تفيدني لما كان عمره 9شهور وزنتو كان 7ونص وهلا ماحاسه انه زاد كتير يمكن دوبو كيلو لانه نفس الحجم

استشارة من :لورده الحمراء‎ قوامه سائل ولونه اخضر وعدد مرات التبرز من 8 الى 10 مرات فاليوم

استشارة من :Toto Malo Alein دكتور لو سمحت هل يمكن استعمال الجلسرين لتدليك لثة الرضيع بعمر 4 شهور

استشارة من :منال الزغل‎ مرحبا دكتور انا عندي طفل عمرة سنه ونصف من اربع ايام صار عندو حرارة وصلت 39.5 وعندة رشح وسعله وعنده بطلع طواحين واللثه عنده منفخة حكمتو امبارح صورو صدره وفحصو حكى الدكتور فيروس اعطاني بيتاكروتين جل ودوا للسعله وموكسبين الحرارة عنده مش عم تنزل وجسمه كله بقع حمرا اليوم ظهرت وهو ما عندو حساسيه للموكسبين لانه اخده عدة مرات هلا السؤال بنفع اعطيه فنستيل نقط ولا اخدة للمركز وشكرا جزيلا

استشارة من :Taghreed N Hashlamoun مرحبا عمر ابني سنه واربع شهور ايمتا بقدر انقله ع غرفته لحاله مع العلم انو بيفيق بالليل مرتين ل3

استشارة من :Sanaa El Helou مساالخير دكتور بنتي عمرها 6 شهور ونص حابة أعرف كم لازم يكون وزنها بهاد السن وأنا بأعطيها سيريلاك بس ما بتاكل منو الا كمية قليلة وبأعمللها مهلبيه حليب وبكون مخففة الحليب ف سؤالي هل المهلبية تقيلة عليها هلأ بس ملاحظة انها حابة المهلبية أكتر من السيريلاك

استشارة من :Imane Anis هل يمكنني عقاب طفلي بحبسه في غرفة لمدة لربع ساعة مثلا مع العلم انه عمره عامين هل حضرتك مع او ضد هذا التصرف

استشارة من :Nana Hajeer السلام عليكم ورحمة الل وبركاته دكتور سمعنا انو هاليومين منتشر شلل الاطفال في مصر بسبب الجنسيات المتعددة بعد ما انقرض من 2004 هل في طعومات جديدة ولا لأ؟ولكم جزيل الشكر

استشارة من :Mona Mona ممكن تنزل وجبات للاطفال الرضع عمر 6 شهور

استشارة من :Mohamed Yhya دكتور لو سمحت انا عايز اعرف حاجة 00انا بنتى عمرها اربعة سنوات ونصف وهى فى الحضانة بس فى مشكلة انها بتنس بسرع مثل انا اقعد ازاكر معها وسئلها فى نفس الوقت اية الحنا جدناه مش بتعرف وفى حاجة كمان سعععععععععععععععععععات كتيير تيجى تكلمها تتهته فياريت ترودو علية وتقولولى اية هو الحل معها

استشارة من :Meema Obaid دكتور بنتي عمرها 4 شهور وبتريّل كتير وبشكل مزعج وبتحط ايدها بتمها وحاولت امنعها واحطلها كفوف وما نفع بتمص الكفوف اللي بايديها شو الحل ؟؟

استشارة من :Muna Kanaan Khalifeh مرحبا دكتور. بنتي عمرها سنتين وشهرين معها حرارة واسهال وخمول وما بتقبل تاكل شو بتنصحني؟

استشارة من :لين زايد‎ دكتور ابني عمره اربع شهور ونص ومش عارفه ازا لازم ابدا اطعميه غير الحليب او لا شو بتنصحني

استشارة من :Imane Anis دكتور كيف اتعامل مع الطفل المشاغب والعنيد (عامين) لان ابني متعبني من كثر السقوط والعناد وتعاملت معه بجميع الطرق دون فائدة

استشارة من :Heba Lefdawe السلام عليكم لوسمحت انابنتي فطمتها حاليا وعمرها سنه وثلاث شهور ممكن تشرب حليب بقر سائل؟؟؟؟

استشارة من :Mahasen Zahran السلام عليكم دكتورى العزيز/بنتى عمرها 10شهور من يومين ظهر على الاصبع الكبير لايديها اليمين حبوب صغيرة وحوليها احمرار وبدات يظهر في نفس الاصبع الكبير للبد الشمال النهاردة ممكن حضرتك تطمنى

استشارة من :سحر العيون‎ السلام عليكم دكتور هل الرضاعه الطفل بالليل وهو نايم على الفرشه جنب امه بدو ما تحملو امه على حضنها بسبب التهاب للاذن متل ما بسمع من الناس او بسبب شي تاني باثر على الطفل؟

استشارة من :سفيرة الطفولة‎ السلام عليكم دكتور من بعد اذنك عندي استفسار ممكن طفل بعمر 11 شهر اعطيه فيتامين د واعطيه كمان شرابب فيتامينات"كيدي" ولا واحد منهم بكفي ولك جزيل الشكر

استشارة من :Dalal Ist Hamdan يعطيك العافية دكتور بنتي كمان أسبوع بتكمل ٤ اشهر امتى بقدر أشربها مي وأزا بصير أشربها بدها غلي ؟؟؟

استشارة من :Mai Kalboneh صباح الخير دكتور..بنتي عمرها 7شهور، من تلات ايام صار معها اسهال حاد ومراجعة ﺍﺧﺪتها عالمستوصف حكالي فيروس عالامعاء كتبلي الكترورايس وابرتين للاسهال وطبعا عالفاضي الابرتين لانه زاد الاسهال وبعد يوم اخدتها عالمستشفى حكالي نفس الشي ونفس المحلول واكامول كمسكن وطبعا مافي اي استفادة،اعطيتها ماءالرز كمان ﻋﺎﻟﻔﺎضي ،البنت ﺭﺍﻓﻀﺔ الاكل والرضاعة خفيفة ونزل من وزنها وشفايفها ناشفين وبطنها بوجعها ومرتخيةومافي نوم طبعا وبالنهاية بحكولي ما في دواء للفيروس!!!! يعني البنت بدوب ادام عيني وانا بتفرج عليها عشان الدكاترة بحكولي مافي دواء!! ارجوك يادكتور تعطيني الحل باسرع وقت..ولك الشكر ﻭﺍﻻﺣﺘﺮﺍﻡ

استشارة من :Mnhan Alnkhal السلام عليكم. عندي سؤال. إبني عمره سنه فجئة حسيته هزيل ونعسان.وبعد 3 ساعات فحصتله الحرارة لقيتها 38.9 بعد دقائق لقيت عينيه ارتفعو لفوق وايده اليميين ارتعشت.اخدته بسرعه على مستشفى الاطفال. اعطوه مخفض حرارة وعملتله فحص دم cbc وطلعت النتيجة كويسة وفحص املاح الدم na ,على ماأعتقد الصوديوم والترسيب ومابعرف شو اسم الفحص برضو طبيعي. وعملناله صورة اشعه للصدر الحمد لله تمام.شو سبب الحرارة؟؟ م انه وجه مش مبين عليه انه فيه حرارة. أرجو الرد بأسرع وقت

استشارة من :فردوس شجر‎ السلام عليكم ابني عمرو 4سنين عندو امساك شديد افيدوني

استشارة من :Lina Khayyat Nabulsi دكتور أريد أن أسأل بالنسبة لشرب الماء للطفل الرضيع فقد سمعت انه ﻻيجوز قبل 6 شهور، ما رأيك في ذلك؟

استشارة من :Muna Subeh السلام عليكم...ابنتي عمرها 3 اشهر ونصف ترضع حليب اصطناعي ،منذ ولادتي لها وانا متعبة من رضاعتها اولا كانت ذقنها صغير وكانت تأخذ وقت كبير في الرضعة وكنت في منتصفها اعمل على تعصير من القنية وكانت لا تأخذ الكمية المطلوبة وكان وزنها مقبول وبعدها عندما كبرت تحسن المص من القنينة ولكن ما زالت لا تأخذ الكمية المطلوبة عملت على تغيير الحليب من s26 الى فرانس ليه الان تأخذ فقط وعلى فترات 130سس بالكثير، تشرب 60 او 70 وتتوقف ؟؟؟ هل هذا طبيعي؟؟ عدد الرضعات 4 او 5 رضعات في اليوم ؟؟عملت على ادخال غير الحليب مع اكلها مثل القليل من الموز وعصيدة متيرنا ؟؟؟ ماذا اعمل ؟؟؟؟ انا مضطرة للبدأ بالطعام ولكن اعمل على اكمال وجبتها اذا استطعت ؟؟؟ وزنها الاخير على الشهرين مقبول ؟ اما الان لا اعلم ؟وما زالت تصحى في الليل لانها لا تشبع ؟؟؟؟ ماذا اعمل ؟؟؟؟؟؟ السؤال الاخر لم اعمل فحص حوض ل ابنتي هل ...

استشارة من :Noor Momen مرحبا دكتور,ابني ب 26 الشهر بدخل بالخامس بس الو يومين منكد وبريل كتير,معقول بدو يطلع سنان??

استشارة من :Hanan Omar السلام عليكم انا عندي ولد كتيييير عصبي عمرو4سنوات ونحيف كتير في سبب لهاد الشي ممكن اعطي دوا الله يجزيك كل خير

استشارة من :Yasmeena Mohd بسم الله الرحمن الرحيم السلام عليكم دكتور اكرم ... حابة استشير حضرتك ...قبل هيك ارسلتلك انو عمر توأمي 9 شهور ولكن لا بيقعدو ولا شادين رقبتهم زي الي بعمرهم ... وديتهم على دكتور امراض عصبية عشان اطمن عليهم حكالي انو العرض الي عندهم سببو نقص فالاوكسجين وهادا بسبب انو كنت بحملي فيهم اخد ابر هيبارين ... وعملنالهم تحاليل هرمونات وكمان تحاليل لوظائف الكبد وهيك شغلات .... بس لسة ما طلعت النتيجة . وكمان طلب صورة سي تي ( مقطعية بس انا رفضت ووافق الدكتور انو نأجلها لبعد مياخدو العلاج) وكتبلهم مجموعة ادوية هي كالاتي : ابر سيريبروليسين انسيفابول شراب اوميجا 3 شراب ال كارنيتين نقط 3 يوميا حليب انشور ودوا اسمو اكابي كاف بس الطبيب الصيدلي حكالي بيكفي الادوية اللي فوق لانو هيك بيسيرو بياخدو كتير فما جبتو الابر يوم اه ويوم لا ... واللي اللي فش فيه ابرة بياخدو الادوية شو رايك دكتور بالتشخيص ؟؟؟ وشو رايك بمجموعة الادوية وهل ممكن تعمل نتيجة فعلا او شو ...

استشارة من :Ashwaq Yassin Jwabreh ابنتي ضربت راسها وارتفعت درجة حرارتها واستفرغت مرتين فهل هذه الاعراض من البرد او من اثر الضربة؟ وكيف يمكنني ان اميز؟

استشارة من :Rawan Jarrar يعطيك العافيه دكتور بنتي عمرها 11 شهر تقريبا كتير بتيجيها نزله معويه ممكن اعرف السبب وكيف ممكن نزيد مناعة الطفل وشكرا الك

استشارة من :Hadil Yousef AlKhatib-Muhemeed دكتور أول شي بدي اشكرك على المعلومات القيمة اللي قدمتها بلقاءك الاذاعي بخصوص تنظيف الاطفال..بعدين عندي سؤالين من فضلك: ابني بلش يمشي من يومين ولازم اشتريلو حذاء شو أفضل نمط لبداية المشي الحذاء العالي او الرياضي او الصندل وشو رأيك بماركة أورثوبيديا؟ تاني سؤال :كنت عم فكر افرش ارض غرفتو بالمربعات المطاطية مشان يلعب بدون ما يتأذى اذا وقع ..بس صديقتي قالتلي انو فيها مواد ضارة ومالازم تنحط بغرف الاطفال وانو تم سحبها من الاسواق الفرنسية ..ممكن اعرف رأيك؟ش شكرا كتير لوقتك وآسفة على الاطالة.

استشارة من :Nada Arafat Marmash يعطيك العافية دكتور ابني عمره ٨ شهور ماشي على ال ٩ ، من عمر ال٦ شهور فطمته في النهار و بعطيه وجبات ، من جديد بطل يعجبه وجبة الغدا كنت اعمله (بطاطا و جزر و كسا مسلوقين و مهروسين ) بطل يقبل ياكلها مع انها زاكية و ما بحب الطبيخ يعني الرز بصير يعملي انه بدو يراجع و كذلك الشوربات .... شو الحل ؟ شكرا جزيلا

استشارة من :Tahreer Esa مرحبا دكتور هل طبيعي فقدان الشهية لدى ابنتي ( 1 سنة ونص )المصابة بالجدري من 5 ايام وقد بدأت بالتشافي والحمد لله والحبوب بدأت بالاختفاء والقشور بالزوال لكن اعاني من فقدانها للشهية من قبل اصابتها بيومين ولليوم !!؟؟؟؟؟؟ وهل أتركها ولا أجبرها على الاكل ؟؟ وهل يلزمها اية فيتامينات ؟؟

استشارة من :Abood Swan السلام عليكم ورحمة الله وبركاته لوسمحت عند ي بنتي عمرها شهور ونص من يومين عندها اسهال والراز اخضر شو السبب وشو اعمل معها أفيدوني وشكرا لكم

استشارة من :Ala' Abulebdeh يعطيك العافية دكتور عمر ابني ٤٠ يوم و بعطيه س٢٦ لكن حاسة لنو مو مناسبه و بعمله اسهال هل هدا ممكن ، كيف ممكن اتاكد لامو وزنو زاد من ٣.٧٦ ل ٤.٥ بس و شو البديل الافضل اله و شكرا

استشارة من :مشاعر دافئة‎ سلام دكتور والعفو منك دائما متعبينك ابني هلأ كملةشهرين وبدا بالثالث هل اقدر اطعميه بعد ما يكمل الثلاث.شهور ويبدا الرابع