استشارة من :ذكريات الماضي‎ مرحبا دكتور يعطيك العافيه دكتور بنتي عمرها 9 تشهر و3 ااسابيع هلئ بنتي بتزحف و كلشي تمام بس كتير يوم ما تجي تقعد بتقعد على ركبها بتحط اجريها تحتها وبتقعد اشي طبيعي ولا ما اخليها هيك؟؟

استشارة من :Nadia Abu Taa مرحبا انا ام لبنت عمرها سنتين و نصف عندي مشكلة معها اول شي بنتي بعدعا بترضع من القنينه بس وقت النوم بس الحمد الله بتاكل حاولت معا كل الطرق اني اخذها منها ما زبط حتى الصيدالني مرة نصحني اجرب معها مخدر الاسنان للاطفال حبتو بنتي من الاطفال الي بحب الموالح و الشي الي بيشعط المشلكة الثانية انها بتنام بالليل بغرفتها بس بترجع بتفق بنص الليل و بتنام على الكنبة هذا طبيعي مع العلم بحاول كل مرة احملها و اويديها لغرفتها ما بترضى و بتطر انام معها لصبح يا ريت تردو علي بسرعة وتساعدوني المشلكة الثالثة انها بتخاف تحتك مع الاطفال لما اخذها تلعب انا بغربة ما عندي حد غير زوجي و اخوي هذا طبيعي

استشارة من :Abeer Ahmed السلام عليكم دكتور ... انا بنتي عمرها 3 اشهر واريد ابدي اطعمها قليل فهل اطعمها وجبه كامله مكان الحليب او بين وجبات الحليب السوال الثاني ... عندي بنتي عمرها سنه وشهرين وبنتي الثانيه عمرها 3 اشهر كيف اجنبهم الاصابه بمرض الربو لان انا فيه ربو وخايفه كلش انه ينصابون مثلي فهل في اكل معين استمر من اجل اجنبهم مشاكل الربو ... شكرا مقدما على الاجابه

استشارة من :Amanee Mhmd أنا أم رانيا عمر بنتي 9 سنوات تعاني من التهاب في الفم بشكل دائم استعملت دواء اسمه ديكازول بطيب و بعاود برجع وعندها حرقة في البول وما بتحب تدخل الحمام للبول وبعد النتهاء من التبول والتغسيل بتشعر إنه نزل البول مرة تانية عملتلها تحليل بول وطلعت النتيجة سليمة من أسبوعين صارت تحس بدوخة تقريبا 4 مرات باليوم ووجهها بسير أصفر عملتلها تحليل دم وطلع دمها 13 أرجو المساعدة

استشارة من :Zuhair Sh مرحبا دكتور أنا آسفة لأني زودتها عليك بأسئلتي لكن أملي بربنا وفيك لو سمحت تضلك معي بعلاج ابني للآخر ابني اللي عنده التهابات بالأمعاء من أربع شهور ووصفتلي الفلاجيل لمدة أسبوعين سؤالي لو تكرمت صارلي 5 أيام مبلشة بالفلاجيل ولا يوجد أي تحسن والأعراض زي ما هي ( مغص متكرر على شكل نوبات ورغبة بالتبرز بدون تبرز ) هل أنا ماشية بالطريق الصحيح للعلاج بمعنى آخر متى ببدأ مفعول الدواء يبين على الولد لسة ما تحسن أبداً

استشارة من :Amani Alrefai مرحبا دكتور.. بدي اسألك عن حلق الذهب ايمتا بقدر البسو لبنتي ؟؟؟؟ انا حطتلها حلق طبي وعمرها 3 شهور

استشارة من :Tahani Saqqa السلام عليكم يعطيك العافية دكتور ابني عمرو ست أشهر وبطعمية وجبتين وجبة الصبح تفاحة مسلوقة مع تمرة والمسا بطعميه سيريلاك خفيف ولاحظت عليه اله ست أيام ما أخرج مع العلم إني شربتو منقوع تمر ويانسون وبابونج وما أخرج شو اللحل دكتور وبشوبو مي خايفة عليه كتير ياريت تفيدني شو المشكلة وأسفة على الإطالة

استشارة من :الورده الحمراء‎ السلام عليكم دكتور شكرا على ردك على رسالتي . هناك سؤال أخر لو سمحت عين طفلي تدمع وتفرز ماده خاصة عند النوم هل هذا طبيعي

استشارة من :Amani Alrefai مرحبا دكتور... بدي اسألك بنتي كمان 6 ايام بتدخل بالشهر الرابع...امورها ممتازة الحمدلله بس بوالليل ومرات بالنهار بنيمها بعد شوي بتكون تعيط بروح اشوفها بتكون نايمة بس بتحاول تمص اصبعها مش عارفة بتكون معصبة ..جربت اغطي ايديها ع الفاضي بتضل تتحرك وبتطلع ايديها... شو اعمل معها؟؟

استشارة من :Noor Sara صباح الخير ياا دكتور انا بنتي عمرها ٣شهور وعشر ايام وهيا جبتها عن طريق الحقن المجهري بس امبارح وانا بغير لها البمبيرز لاحظت وجود شي ممتل المادة لزجة مخاطية تخرج من المهبل عندها وانا من وئتها خايفة كتير شو السبب يا دكتور

استشارة من :Lalosh Alrousan مرحبا دكتور ابني عمرو 8 شهور اكتر وقتو بضل معصب وبلعب بصوت عالي ولما بحكي كمان بصوت عالي ومزعج انا بحاول اهدي وبحاكي بصوت واطي بعصب بزيادة ومرات بخمشني وبصير يضرب شو السبب دكتور

استشارة من :أمل الحياة‎ السلام عليكم هل الكاسترد يسبب حساسيه لدى الطفل ؟؟؟؟؟؟؟

استشارة من :Islam Harahsheh كيفك دكتور انا كان ابني يحضر طيور الجنة عمره خمس اشهر بس بطلتها وبضل يبكي كتير انا موظفة وما بقدر اضل الاعبه حكالي دكتوره جيبيلو CD اسمه بيبي اينشتاين بنمي ذكاء الطفل شو رأيك صراحة كانت مريحتني طيور الجنة وانا دوامي بطول للستة يعني بروح تعبانه كتير

استشارة من :ميمي لولا‎ السلام.عليكم.دكتور.بنتي.عمرها.سنة.وزنها.8كيلو.عند.الولادة.كانت.3.كيلو.وبعمرالشهر4.بعدها.صار.يزيد.ببطئ.بعتها.للدكتور.قالي.طبيعي.ممكن.طمني.دكتور

استشارة من :Bdor Haj Mohamad دكتور انا عمر ابني تلات شهور لما رحت عالدكتور من شهر تقريبا حكالنا بعد فحصه انو الحوض شادد شوي ولبسوه حفوضتين بس كيف بدي اعرف انو الحوض صار منيح وانو ايمتا ارجع البسه واحده بس ؟؟

استشارة من : ‎زهرة النرجس‎ مرحبا دكتور انا بنتي عمرها 11 شهر ما بتاكل من مره ان اكلت ما بتاكل الا لبن مع رز بس جربت كتير كلات معها ما بتقبل وبتسكر تمها وتعيط وبتشكي كتير من غازات خصوصا بليل وبضل عندها امساك وصعوبه في الاخراج بحطلها فازين على الميزان الحراره وبشرج فتحت الشرج بتكون مسكره كتير شو السبب الدكتور يا ريت تفيدني ؟

استشارة من : Maryam Salah دكتور ابنتي عندي التهاب بدانها بسبب الرشح ازا حممتها ودخل مية بدانها مش منيح وعينها فيها التهاب جبتلها قطرة كم نقطة انقطلها باليوم مش موضلحي الصيدلي ع العلبة ولا موجود بالروشتة والتهاب دانها دكتور خطير ولا كيف

استشارة من : Sahar Bazzar دكتور مرحبا بنتي عمرها شهرين وبلشت بالثالث اليوم بتضل ممغوصة وعندها صعوبة بالاخراج بتضغط على حالها كثير وبتصير حمرا كثير وصايرة ما تحب تنام الا على بطنها بتكون تعيط لما انيمها على بطنها بترتاح هل النوم عالبطن بضر وصعوبة الاخراج شو ممكن تكون المشكلة

استشارة من : Basma Ghaleb يعطيك العافية دكتور بدي أسألك إذا خليت بنتي تتفرج ع طيور ا لجنةاو سبيس تون بس من دون صوت بس تتفرج عالصور علما انو عمربنتي 8 اشهر ونصر

استشارة من : Zezo Lovemody مرحبا دكتور انت قلت انه كثرة مشاهدة الطفل لقنوات التلفزيون الغنائية وخاصة طيور الجنة تسبب علامات التوحد طيب سؤالي كيف يمكن اعادة الطفل طبيعي بس بمنع من التلفزيون ولا في شي ثاني ؟؟؟؟؟؟؟؟؟؟؟

استشارة من : Maha Saqer مرحبا دكتور ، ابني امير ٩شهور شكله رشح من تقلب الجو ، بس عنده كحه قويه شوي خايفه اتركه يطيب لحاله يزيد و يصير التهاب بالصدر شو بقدر اسوي و ما في حراره عنده بس رشح و كحه ، شكرا عالاجابه

استشارة من :أم مرحبا دكتور: طفل عمره سنة ونص تقريبا مشكلتو انو الكل بناديه باسمه وما بلتفت حتى يرد او يشوف مين بنادي وحركتو كتيرة وبضل يخرب وما بسأل في حد وما بهتم في حد اذا لاعبو واذا منعت عنو اشي بعصب ولما يشوف قناه للاطفال بتجمد مكانو وبضل يحضر بالاغاني وما برد على حد نهائياً وما بهتم بالالعاب بمسك اللعبة شوي وبرميها وفي امور تانيه بس ما بدي اطول عليك. بشو بتقدر تحدد مشكلتو اذا هي مشكلة؟

استشارة من : Manno Masri السلام عليكم ....دكتور ابني عمره ثلاثة شهور وبرضع طبيعي بس بساعده بحليب S26 لأني موظفه وكتير بصير عنده مغص وغازات فشو بتنصحني بتغيير نوع الحليب وأي نوع افضل....ولك جزيل الشكر

استشارة من : Muna Mayyaleh السلام عليكم ابني عمرة سنة صابه فيروس الروتا وقعد بالمستشفى ٣ ايام ( الله يبعده عن اطفالكم) اتحسن الحمد الله بس لما يشرب حليب بستفرغ فورا ما بقعد في معدة دقيقتين وهاد ٥ يوم و هوه مريض متى بطيب برجع حرك ونشيط زي اول؟؟ مع انه بس ياكل اكل عادي ما بستفرغ و لما كنا بالمستشفى وقف الاستفراغ ادعوله بالشفاء العاجل والله يبعد كل الامراض عن اولادكم مشكورييين

استشارة من : Zuhair Sh دكتور بدأت بإعطاء ابني الفلاجيل وأعطاني معه الصيدلي مضاد حيوي آخر هو سوبراكس سؤالي لو سمحت حضرتك ذكرت لي أستعمل الفلاجيل لمدة أسبوعين لتطهير أمعائه من البكتيريا لكن العلبة بتخلص خلال ٨ أيام هل أجدد الفلاجيل أم ماذا شاكرة زوقك وردودك السريعة

استشارة من : Erin Michael هل نوم طفلة عمرها سنتين على مخدات قد تكون عالية شوية امر صحى ؟ ولا فيه ضرر عليها؟

استشارة من : Leen Rose مرحبا دكتور بنتي عمرها سنتين و9 شهور بعطيها مقوي الحديد kdiron وبتاخدو من غير عصير وسنانها حسيت لونهم اختلف صار عاسود شو بتنصحني عشان اللون؟؟

استشارة من : Nagham Abunameh بنتي عمرها سنه وعشره شهور وما نظفت لسه وبحاول انظفها حاليا وبتخاف من المرحاض ومابترضى النونو بدي شي يساعدني لتتنظف قبل السنتين

استشارة من : محمد بشورا‎ السلام عليكم انا ولدت من 15 يوم وولدت بالاسبوع 32 من الحمل يعني بالاسبوع الاول من الثامن ووزن البيبي 2،400 والان وضع البيبي كويس ياريت يادكتور تعطيني نصائح للعناية بابني لانه نايم وحتى لو حاولت انفيقه مايفيقش مايرضى يصحى طول النهار والسرة لعند الان ماسقطت ياريت تفيدني

استشارة من : Alby Shran مرحبا دكتور بنتي عمرها 3شهور ونص بتخرج مره كل اربع ايام مره هادا طبيعي ؟؟ وكمان سؤال انا بدي افطم بنتي كيف انظم الرضاعات الي بدي اعطيها اياها وشكرا الك

استشارة من : الورده الحمراء‎ اريد ان اسأل عن سرة البيبي التي لم تجف كيف يتم التعامل معها مع العلم انها سقطت منذ 8 ايام

استشارة من : Em Raed B مرحبا دكتور بنتي عمرها 6 شهور الها فترة ( 5 ايام) ما بتخرج براز مع العلم من قبل كانت باليوم تخرج 2-3 مرات بحس انها مدايقة ؟ وهل و ايضا بحاول اطعميها موز مهروس وخضار ما عم تتقبل الاكل ى. وكمان بحاول اساعدها بالحليب(متيرنا) بس ما بترضى شو السبب وما الحل او الطريقة الي ممكن اعودها عليها؟ وهل التسنين الو علاقة وشكرا لك

استشارة من : منى عماد‎ هلا فيك دكتور بنتى عندها 10 شهور وكل ما تستيقظ من النوم تبلش تعيط كل مرة هيك مو عارفانة شو اسوى معاها.........ارجو الرد وجزاك الله كل خير

استشارة من : Tahreer Esa مرحبا دكتور انا حامل وابنتي سنة ونص الها يومين صابها الجدري هل هذا يؤذيني كحامل او يؤذي جنيني ؟؟

استشارة من: Hiba Darwazeh صباح الخير دكتور ابني عمره 9 شهور و وزنه 8 كيلو هل وزنه منيح و الا قليل؟ مع العلم انه وزنه عند الولادة كان قليل ( كيلو ونصف) و هل لازم اعطيه اشي فيتامينات؟