استشارة من : Um Yamen السلام عليكم دكتور بنتي كملت سنة بترضع طبيعي كيف افطمها لانها ما بترضى بالببرونة

استشارة من : روعة روعة‎ دكتور لو سمحت بدي أسالك هل يجوز وضع القليل من غذاء الملكات في فم طفلي عمره سبع شهور

استشارة من : Yasmeen Abu Kh دكتور يعطيك العافية يا رب بدي أسألك سؤال ضروري جدا وهو مشكلة كبيرة عندي بنتي عمرها هلاء 5 سنوات ونص من أول ماطلعوا أسنانها وهمه فيهم تسوس جدا وحتى مو تسوس همه دايبين تقريبا طبعا من 3 سنين مداومين عند طبيب الأسنان بس ممنوع الخلع ولا حتى نقر وحشي للأسنان هاد الأسبوع بطلت تاكل أبدا من الوجع وصار معها تورم في خدودها من طواحينها وطبيب الاسنان قال انو مافينا نعمل ايا شي غير نضل على المسكنات كتبلها دوا التهاب وشربتو ومسكن Extrafen بس مبارح خلص دوا الالتهاب ولسه عندها وجع كتير وماراضيه تاكل ولا حتى شوربة وحتى سندوش الروضه بيرجع متل ماهو وهي صارت صفرا وهيك كتير كشها تعبانه من قلة الاكل دكتور شو اعمل بحياة الله طيب لو خلعلها الدكتور بتنصحني؟ انصحني الله يرضى عليك

استشارة من : Imen Mayna طفلي عمرو١١شهرلا يقف وحده إلا إذا ساعدته هل طبيعي ؟ وكذالك عندي إبني ٤سنوات ياكل أظافره ماهو السبب؟ وكيف أستطيع مساعدته علي ترك هذه العادة

استشارة من : Lara Al-boriny السلام عليكم دكتور عندي سؤالين السؤال اﻻول بنتي عمرها 10 شهور عندها حراره من 3ايام و ذهبت بها الي المشفى و حكولي عادي ﻻنو عندها التهاب باللوز السؤال دكتور هل الخل التفاح بنزل الحراره و هل هو مؤذي و هل دهن الطفل بزيت الزيتون يخفض الحراراه السؤال التاني دكتور ابني عمرو سنتين و نصف عندو التهاب باللوز و عندو رشح ولكن قبل يومين ﻻحظت وجود كره صغيره بالرقبه تحت اﻻذن و ديتو ع الدكتور من دون ما يعمل ﻻ تحاليل و ﻻ اشي بس شافها صار يحكي عادي ﻻ تخافو بتتطلع للاطفال بالعمر هاد وهي عباره عن انتفاخ بسيط بالعقد اللمفاويه بس انا يادكتور واالله تعبانه نفسيا و مش عارفه افكر هل الموضوع خطير ام ﻻ و تاني شي كل اطفالي مفلوزين و مقهوره عشانهم ياريت تفيدني و ترد علي و شكراااااااا كتير الك

استشارة من :Maryam Salah بعد ازنك dr.عندي سؤال بنتي عمرها شهرين وخمسة ايام رشحت وكان عندها قحة وضيق بالنفس وسعال من 3 اسابيع ولهلا في بعض الاعراض عليها بس ع اخف شو بتنصحني اعمل وطبيعي هدا مع العلم اني وقفت الدوا الي كنت اعطيها اياها متل مية وملح و للصدر نقط

استشارة من :شمس الطفولة‎ يعطيك العافية يا دكتور ابني عمره سنتين ومعاه التهاب بالاذن من اربعة ايام والدكتور كتبله قطرة تمبايرين + معلق بيودركسيل لكن مش حاسة ابني متحسن وغير هيك متوجع مع بكاء شو ممكن اعمل ولا العلاج لسة مااخذ وقتها وشكراًكتير

استشارة من :Imane Anis وعفوا دكتور اريدك ان تنصحني ما هو افضل حليب صناعي للطفل الرضيع حليب aptamil او france lait او هناك حليب افضل

استشارة من :Imane Anis ما هو علا ج الاكزيما التي تظهر على وجه الطفل الرضيع وما هو علاجها .وشكرا

استشارة من :Fayez Nasrallah مربا انا بدي اطهر ابني بدي اعرف لازم يحط الدكتور بنج او مش لازم عمره شهر الرجء الرد

استشارة من :‎ديانا عفانة‎ مرحبا دكتور ابنتي عمرها سنتان وكانت تعاني من خلع ولادة بالرجل اليسرى وقام دكتور متخصص بجراحة العظام والمفاصل بعملية وضع الجبس لمعالجتها بدون ان يحتاج لعملية جرح للمفصل..... وبقي الجبس 6 شهور وبعدها وضعت الجهاز الخاص بالخلع مدة 6 شهور ايضا........ والان هي تمشي وعند المراجعة الاخيرة عند الدكتور اخبرني بان الخلع قد شفيت منه تماما ولكن هناك مشكلة بسيطة في عظمة المفصل كما يقول انها لم يتكور مكانها جيدا..... واعطاها مهلة 3 شهور على امل انه تتكور من المشي....... سؤالي انا بما انو عمرها سنتين هل هناك احتمال انو لا تشفى؟؟؟؟؟؟؟؟ بتمنى انو تجاوبني دكتور لاني خايفة كتير عليها

استشارة من :Susu Muna مرحبا دكتور بنتي عمرها 3 شهور حابه استشيرك عندها امساك من يوم الولاده كل 10 ايام بتخرج و ايام اكتر من 10 شو بتنصحني اعمل

استشارة من :وفاء الأصدقاء‎ السلام وعليكم اعطاكم الله العافية علي مجهوداتكم لدي طفل خلص 4 شهور والان في الخامس لما بنادي عليه مش بحس انه معي او يستجيب رغم انه بيسمع كل صوت لكن حتي انه يتلهف علي امه لا هل هدا طبيعي والا لسه سنه صغير انه يتعرف علي امه \

استشارة من :Farah Yaser مرحبا دكتور سألتك عن بنتي إنها مش مركزة بمشيها عالداير حكيتلي معها رخاوة ،_بتنصحني أعطيها فيتامينات أو شي معين.هي كانت حاطة جهاز خلع إلو دخل؟

استشارة من :عمر الشناط‎ السلام عليكم ابني عمره4شهور نصف كل شي بشوفه بده يمسكه ويحطه بفمه وبظل يبكي بشكل مش طبيعي حتى يمسك شغل هل هاض عادي ولا

استشارة من : النصر قريب‎ السلام عيكم بنتي عمرها 4 شور ونص بتحب طيور الجنة ومتابعتها كثير كيف اغير هالعادة لان لما غير القناة تبكي وسؤال 2 من فضلك لما اطلع برا البيت تجلس شوي وبعدها تبكي حتى نرجع عالبيت حتى تسكت شو اعمل والسبب شكرا

استشارة من : ‎د.عبدالله الطباع‎ يعطيك الف عافيه دكتور استشاره من حضرتك طفل بعمر 6 سنوات تعرض لألتهاب بالجهاز التنفسي وارتفعت حرارته وصلت ل 40 ونص ريكتلي بعد اجراء الفحوصات و Chest x-ray مشاه الطبيب على روسفين *2 وكلاسيد*2 لمدة 3 ايام وبدأ الطفل بالتعافي وعند اجراء فحص cbc تبين نقص حاد في كريات الدم البيضاء حيث وصل العدد 500 فغير الطبيب الروسفين بmeropenum وكلاسيد مع عزل وقائي وطلبتله blood film وما حصلت لسا على النتيجه حسب خبرتك هل هذا النقص الحاد نتيجة الالتهاب الفيروسي او ان هناك مشكله بالدم ويجب عرض الحاله على طبيب اخصائي امراض دم واورام الان الطفل خارج المشفى اعطاه الطبيب اومنسيف 40 *2

استشارة من : Noor Momen مرحبا دكتور , بما انو موضوع الغازات والمغص بيروح بعد الثلاث اشهر , هاد الشي بيعفي من التدشاية بعد الرضاعة ?? لانو ابني بياخد وئت طوييييل ليتدشى

استشارة من : Nedaa Hamideh Mallah كيف اعرف شوالبس بنتي مع اختلاف الطقس يعني كم قطعه عمرها٤شهور

استشارة من : نزف المشاعر‎ يعطيك العافية دكتور الرجاء افادتى بهذا الاستفسار نتيجة للالتهابات المتكررة التى يتعرض لها ولدى هناك شك عند طبيب الصدرية بان طفلى لايوجد عنده اهداب على القصبة الهوائية مع العلم اننا عملنا له فحص بمشفى شنيدر فى تل ابيب ولكن لم يعطونا نتيجة الفحص بسبب خلل فى اثناء التحليل هل كلام الطبيب يمكن ان يكون صحيح ام لا

استشارة من :Majd Hammad السلام عليكم دكتور هل ممكن انو اعطي طفلتي 7 شهور فاتح شهية واذا ممكن شو بتقترح علية اعطيها ؟

استشارة من :أم محمد السلفية‎ السلام عليكم من فضلك يا دكتور ابني هلا عمره سنه وسبع شهور الله يحميه بينطق الكاف تاء هل ستتغير ام ستظل معه لحين يكبر انا قلقانه وازاي اخليه يصلحها

استشارة من :Tahreer Esa مرحبا دكتور بنتي عمرها سنة و5 شهور الها يومين ما بترضى الاكل نهائي والحليب خفيف وبحاول اجوعها وما اغصبها ع الاكل ع الفاضي طول النهار بدون اي اكل وهي ما عندها اي شي ظاهر يعني كرشح او سخونة بالعادة اكلها ممتاز وبتاكل منيح بس هااي الفترة مغلبتني ؟ شو الحل ؟ ان اجبرتها بتضل تضغط ع حالها لتستفرغ !!

استشارة من :Sanabel Fatayer طفلي عمره 3 سنوات يعاني من رياله مستمره طوال النهار ما الحل لهذه المشكله عندو تضخم باللوز اخدتو عند دكتور وحكالي انو اعطيه ابر شهريه كل شهر ابره بنسلين وانا خايفه من هالابر شو اعمل دكتور

استشارة من :Amani Alrefai دكتور غلبتك عندي كمان سؤال بنتي زين عمرها شهرين ونصف بدي اسأل ايمتا استخدملها العضاضة والخرخيشة شو ممكن اعمل معها شغلات اطور فيها حركاتها وتفكيرها ..انا دايما بحكي معها وبخرفها وبتكون تتطلع فيي وتضحك.. وبالنسبة لطيور الجنة حضرتك رافضها للاطفال؟

استشارة من :Diana Musleh مرحبا دكتور ابني عمره شهر ونص وقبل يومين اكتشفت انه عنده افتاك في المنقطه ئلي بين اجرييه شو سبب وبتنصحني انه اعمله هساه العملية ولا أستنا شوي

استشارة من :Amani Alrefai يعطيك العافية دكتور سألتكهداك اليوم عن حليب لبنتي عمرها شهرين ونصف ..حكتلي اس 26 وشرتلها علبة.. انا برضعها مني وبترضع منيح.. بس حابة اصير اعطيها رضعة بالليل قبل ماتنام..بصير ؟؟ وكم اعطيها. كم مل يعني؟لانو الواحد مرات بطلع مشوار وما بكون في مجال ترضع طبيعي وشكرا يا دكتور ع معلوماتك الثمينة

استشارة من :انيه اشقر‎ السلام عليكم دكتور بنتي عمرها 9 سنوات عنيده جدا ولاتسمع الكلام برغم انها ذكيه والاولى في صفها ودائما تميل الى لبس الملابس الغير مرتبه وتحب الخروج بها مع العلم انه يوجد في خزانتها الكثير والجميل جدا كيف اتصرف معها وشكرا لك

استشارة من :Farah Yaser مرحبا دكتور بنتي بدها تصير 11 شهر كمان يومين لساها بتصحا بالليل منكدة وبتنؤ بس بتكون مغمضة عيونها. كتير مغلبتني شو بكون مالها؟بتكون موجوعة اعطيها اشي ولا شو اعمل؟؟

استشارة من :حتى سعادتي مزيفة‎ مرحبا دكتور بدي استفسر عن البنج لحامل جديد بئثر على الجنين

استشارة من :Imane Anis دكتور من فضلك هل هو ضروري اعطاء الطفل فيتامينات دائما لاني اعطي ابنتي الفيتامينات مباشرة بعد اخذ التطعيم وليس دائما وباي نوع تنصحني مع العلم ان ابنتي اليوم كملت 5 شهور وانا اعطيها حليب الماعز وحليب aptamil 1 واحيانا سريلاك الخاص ب4 شهور

استشارة من :حمود يونس‎ دكتور يعطيط العافية بنتى عمرها 6 شهور عندها نزلة معوية بترجع كل اشى حتى محلول الاشباع وسخنة ... كيف اتعامل معها

استشارة من :Jasmine Mohyar Qarqash صباح الخير دكتور بنتي عمرها شهر و نص ممكن اعرف الوقت المناسب لوضعها في عربة السفر في حال الخروج خارج المنزل

استشارة من :نهال العبدلله‎ دكتور طفلي عمرة 9 شهور, ما بزحف و لا بوقف لحالو ولا بقدر يرفع حاله و هو على بطنة ازا بحطة عبطنة بضل يبكس و بتدايق و ما بقلب من بطنه لضهره و لا من ضهرة لبطنه, طول النهار بس بحب يضل قاعد قعود و مشغول بلعبه بس ما بتحرك من محلة بالمرة و كمان ما بتني ركية ابدا بس و هو متمدد بحررك اجرية هل وضعة طبيعي ؟ و هل في اشي لازم تعملة الام عشان الطفل يمشي او يزحف ؟

استشارة من :Bent Falasteen صباح الخير دكتور ابني عمره شهرين بضل يحط ايده في تمه شو السبب ؟ وكيف ممكن اتعامل معه ؟