استشارة من :Myada Abdalah مرحبا دكتور ممكن استشاره ابني عمره شهرين وبياخد حليب صناعي اس 26 بعطيه 130 مل بس يخلص بضل يعيط بده كمان شو اعمل معاه كم الكميه

استشارة من :Amal Sawalha السلام عليكم دكتور على لسان طفلتي نقاط حمراء صغيرة وهي عمرها 11شهر هل لها سبب مع الشكر

استشارة من :Lina Omar مرحبا دكتور ابني عمره 42 يوم ووزنه 5كيلو من يومين بلش يراجع الحليب بعد مايرضع ودايما منفوخ وعنده غازات وبكون مدايق اثناء الرضاعه و بيرضع طبيعي بس, هل وزنه زياده وكيف بقدر انظم رضاعته لانه بنام وانا برضعه فما بعرف شبع او لأ, وشكرا لمجهودكم الرائع

استشارة من :Samar Ali مرحبا دكتور لو سمحت ساعدني انا كتير قلقانة ..عندي ولدين توام عمرهم 6 شهور وشوي بس بحسهم ما بيناغو كتير وما بيحكو اي حرف بس لما بلعب معهم او اي حدا بيلاعبهم بيضحكو بصوت عالي ..وزنهم 8 كيلو وطولهم ممتاز وفتحة اليافوخ ممتازة واستجابتهم منيحة كتير ومعندهمش اي مشاكل صحية الحمدلله بس خايفة من حكاية المناغاة وحكي الحروف لانهم لهلا كمان ما بيستجيبو للتلفزيون يعني ما بيحبو يتفرجو عاي شي وما بيمسكو اي شي بايديهم وما بيعرفو الالعاب لسة وكزا حدا يحكيلي انو ليش ما بيتفاعلو كتير وبيلعبو وما بيناغو؟؟مع العلم هما مولودين قبل موعدهم ب 40 يوم. الله يخليك دكتور ساعدني انا خايفة يكون في شي مش طبيعي

استشارة من :Ðäŗeeň H-Abu AlHaija مساء الخير .. دكتور قرأت مقال عن .. "الطفل يبدأ بتعلم اللغة وهو ما يزال جنين وجدت دراسة حديثة أن رحلة التطور اللغوي لدى الطفل تبدأ وهو ما يزال جنينا في رحم أمه، وتحديدا خلال الأسابيع العشرة الأخيرة من الحمل." كيف ممكن أبدأ بتعليم الجنين ؟

استشارة من :دعاء دويكات‎ مرحبا دكتور بنتي عمرها 5 شهور بتمص اصبعها لفيت اديها لمدة 3 ايام بس فكيتها رجعت تمص اصبعها وبتكون شبعا كمان

استشارة من :Saba Sami السلام عليكم دكتور انا ولدت ب18-11-2012 في قطاع غزة وابني الان عمرة شهرين ولادتي كانت باجواء الحرب واضطررت الى اللجوء الى عملية قيصرية لاسباب ان الجنين بداء نبضة ينقص والحمد لله ولدت بسلام ولكن بعد الولادة بعشرة ايام بداء طفلي يسخن قليلا بعد 20 يوم نقلناه الى المستشفى واكتشفنا مع التحاليل ان الطفل عندة بكتيريا الsepticemiaالاغلبية رجحوا ان هذة البكتيرا انتقلت له عن طريق قطع الحبل السري باداة غير معقمة او غير جيدة التعقيم بشكل كامل وانا ارجح هذا القول لانو في هذة الفترة كان جرح العملية لدي انا التهب التهاب شديد المهم تعالج ابني والحمد لله شفى من هذة البكتيريا وصابة بعد ذلك مع الجو البارد والعدوى من المستشفى pnemoniaعلى جهة صدرة اليمين وبحمد االله تعالج ايضا منها وبعد فترة اسوبعين ايضا رجع لة نفس اعراض التهاب الصدر مرة اخرى المهم سؤالي كيف ممكن اعالجة مع العلم انو رجع الى المستشفى مرة اخرى ومكث فيها 5 ايام لاخد العلاج ...

استشارة من :Mezo Roma دكتور انا ابنى 8 شهور وهو كان عنده برد وخف بس دلوقتى انفه مسدود بيتنفس بصعوبه المشكله انى عماله ادور فى الصيدليات كلها على محلول ملح مافيش خالص انا عايزه اعرف ايه البديل لمحلول الملح - وشكرا

استشارة من :Adam Siham صباح الخير عندي سؤال في اي شهر يبدا البيبي الاكل هل في 3 اشهر ام في 4 اشهر

استشارة من :Noor Awad السلام عليكم يعطيك العافيه دكتور , بنتي عمرها عشر شهور الها 3ايام تعبانه فلونزا رشح وكان عليها سخونه اليوم الرابع بحس انو تنفسها سريع ودقات قلبها كمان سريعه وما بترضى تاكل اشي لما تاكل بتستفرغ الها ليلتين ما بتنام , هل هاد طبيعي لانها كانت مريضه . وشكرا دكتور

استشارة من :Marah Khleafeh Amad السلام عليكم دكتور بدي اسال ابني بعمر الشهر وزنه كان زايد نص كيلو مع العلم انه وزنه وقت الولادة كان 4 كيلو هل هاي الزيادة طبيعية وما يلزمه حليب صناعي ؟

استشارة من :Rasha Shelleh السلام عليكم بدي اسالك دكتور عن بنتي صار عمرها 7 سنين وبعدها بتوضع اصبعها بتمها بس باليل يارييييييت الاقي عندك حل وشكرا كتير الك

استشارة من :Manal Iskander Marie مرحبا دكتور بنتي صار عمرها سنة وشهر بتمشي وطلعت سبعة اسنان لكن بتريل بشكل فظيع ومش طبيعي بلايزها بكونوا مبلولين كتير هل هاي مشكلة او انه اشي طبيعي لطفلة بعمرها؟؟؟

استشارة من :Raneen Qamheya مرحبا دكتور ....... بنتي كمان يومين بتصير شهر مبارح بليل استفرغت الحليب الي ببطنها شوالسبب وهل يجب عرضها على طبيب ولا هادا امر طبيعي عند المواليد الجدد ..........وشكرا كتييييييير

استشارة من :Walid Elhabashy Abduo السلام عليك دكتور بنتى عمرها 9شهور وبتمسك فى الاشياء وبتف بس فى اوقات بتوقع هل فى خطوره على دماغها من الوقعات الكتير

استشارة من :زينه سلهب‎ مرحبا دكتور : من اي شهر يحبذ استخدام الدراجة للطفل وهل تؤدي الى مشاكل صحية ام لا .... تحياتي

استشارة من : Doa'a Esam مرحبا دكتور انا جبت لبنتي حليب s26 من اسبوعين وبعطيها كل يوم رضعه بس مكتوب ع العلبه انه بتنتهي مدته خلال اسبوعين من فتح العلبه يعني هلأ خلص صارت غير صالحه ؟؟ لانو العلبه لساها بأولها لاني مابعطيها غير مرة وحده باليوم

استشارة من :Abeer Ahmed السلام عليكم دكتور ... انا بنتي عمرها 3 اسابيع وبرازها قاسي جدا جدا يعني يوميا الصبح تحاول تتبرز بس ماتقدر اله انا اساعدها وافتت البراز وهي تعصر قوي حتى خروجها يصير بيه دم اتوقع المخرج متشقق اريد اي شي يلين خروجها ارجوك دكتور ساعدني هي ترضع فقط اصطناعي حليب نان ... ارجو منك المساعده باي شي طبيعي

استشارة من :Majd Halabi مرحيا دكتور عندي طفله عمرها سنه وشهر اليوم حسيت انه في ريحه لفمها ومو راضيه توكل الا بصعوبه وفيه حبه صغيرة على لسانها شو بتنصحني اعمل ممكن يكون حلقها ملتهب ؟؟ واذا بيلزم مضاد حيوي او لا وشكراا جزيلا

استشارة من :Omar Jehad Zaben علاج التهاب السرة عند حديثي الولادة

استشارة من :Tota Ayyad يعطيك العافيه دكتور ممكن اعرف كم الطول الطبيعي لابني زيد عمره سنه وشهرين قست طوله طلع 73 سم بس شفت بالموقع عالجدول لازم 77سم يعني طول ابني طبيعي او لا وزنه 11.5 وجديد ابني لحتى مشى الو اسبوع بس بمشي وبعطيه فيتامين د اسمو فيتا داين وفاتح شهيه اسمو فيتا كيدز من عمر 8 شهور يعطيك العافيه

Om Omar H مرحبا بنتي عمرها 7 شهور من اول ما ولدتها وهي في قشره براسها وما بتروح شو السبب و كيف اعالجها

استشارة من :ورد الورود‎ مرحبا دكتور.. ابني عمره سنتين وسبع أشهر عنده تحسس وطول الليل بضل يقح ومابهدا الا اذا شربته دواء مع العلم انه من عمر السنة وهو معه التهاب بصدره ومابقدر احممه كل مايتحمم برشح وبمرض حتى لو ماطلع من الغرفه ..بدي تنصحني بدوا تحسس فعال

استشارة من :Tahreer Zein مرحبا دكتور ابني عمره 7اشهر ونصف وبعد المرضه الاخيرة صار دلع وببكي كتير بس دلع مش عارف اعمل شي منه ازا ممكن تفيدني

استشارة من :مها نجار‎ د. نهارك سعيد انا ابني عمره سنتين ونص ولهلأ ما بيحكي منيح يعني بحكي كلمات مفردة وما بيكون جمل مثلا بحكي ماما بعدين بحكي راح بس كجملة حتى من كلمتين لسى ما بيحكي اجتماعي وبيلعب مع الغير بيضحك وبيمزح بينط ويقفز بيركب بسكليت وبلعب بكل الالعاب بتخانق مع اخوه اللي اكبر منه بسنة ونص بيفهم لما بحكي معه اعطيني او حط شي بمحله السنة الماضية عملتله فحص اعصاب السمع وكانت النتيجة انه اذنه اليسار ما في مشكلة وكان في ضغط ومي على اذنه اليمين عشان هيك ما استجابت مثل اليسار وهو لسا بيرضع بالرضاعة حليب نيدو ولسى دانه بتضل ملتهبة دايماً ارجو الافادة مع الشكر الجزيل

استشارة من :Noor Momen مرحباً دكتور ، باي عمر ممكن استعمل الكراجة لابني؟؟

استشارة من :Leen Rose شكرا كتير لتواصلك معنا حابة استفسر عن شي ابني (4 سنوات) من جديد صار يشخر وهو نايم فياترى من شو ؟ وشو الحل؟ ونسبة دمو 9 شو ممكن اعطيه عشان ترتفع النسبة من مقويات او اكل؟

استشارة من :Amaal Mohammed السلام عليكم يا دكتور انا طفلتي عمرها 8 اشهر وبلاحظ انو بيطلع على بشرتها حبوب حمراء صغيرة متل حبة السمسم بالذات حول الفم بعد تناولها اي طعام ما عدا حليب الام ..ولكن يا دكنور من شهر تقريبا صار هدا الحبيبيات الصغيرة الحمراء حول العينين (الجفنين ) وكانت لما اطعميها بتضل تفرك بالاكل بعيونها يعني ما بقدر الا بتحط ايدها في تمها بعدين وايديها فيهم اكل بتفرك بعيونها بس هلا مو راضي يروح الحبوب الصغيرة رغم انها بتخف و بتزيد زكمان بنتي من 10 ايام ما بترضل تفتح تمها وتاكل مثل اول بس بالرضاعة بتقبل تاخد العصائر وحتى الرز ..دكتور يا ريت تساعدني

استشارة من :Ayat Ahmed السلام عليكم يادكتور انا ابنى عندة 6 اشهر بسأل امتى ممكن ياكل الزبادى والعسل الابيض والبسكوت المهروس سؤال تنى وممكن ااكلة المهلبية باللبن الخارجى (similac advance1) على العلم انة بداء الاكل خضار مهروس وفاكهة مهروسة بس مش عارفة ااكلة كام واجبة فى اليوم وشكرا يادكتور على وقتك

استشارة من :Leen Yahya Arafat Q متى يستطيع الطفل تمييز اسمه و الاستجابة للنداء به

استشارة من :أم يوسف‎ السلام عليكم كيف حالك يادكتور لوسمحت ابنى عمرة 4شهور وانا عطيلة فيتامين د3 اربع نقط يوميا والدكتورة كمان كتبالة مكمل غذائى مع العلم انى برضعة طبيعى ممكن حضرتك تقولى يعنى اعطيلة الفيتامنين كل يوم ولا كام يوم وابطله ولحد عمر كام واعطيلة مكمل غذائى ولا ايه والولد مبيتعرضش للشمس خالص لاننا فى السعودية وصعب اخرجة فى الشمس وشكرا لذوقك وربنا يباركلك فى أسرتك يارب

استشارة من :Alzahraa Sabah مرحبا دكتور طفلي بالغ من العمر سنة و9شهور وقع من الكرسي على اسنانه وصار نزيف دم من شفته ولثته واحد اسنانة انكسر منه قليلا جدا واخذناه للدكتور قال مافي شي وعطا مسكن بس عم شوف اسنانو كأنو صاير لونهة ازرق يعني ازرقاق الاسنان نفسها مش عارفة شو معناتو؟؟؟؟؟؟

استشارة من :زهرة النرجس‎ مرحبا دكتور بنتي عمرها 9 شهور وما بتقبل تاكل فواكي مو عارفه كيف اعمل عشان تتقبله وبقولو في بصيدليه فواكي هل بتنصحني اجيبلها منه

استشارة من :Nawras L Al-aghbar مساء الخير دكتور ابني عمرو سنه واربع شهور نسبه دمو 10 شو نسبه الدم المناسبه لعمرو

استشارة من :زينه سلهب‎ مرحبا دكتور بدي اسال عن طريقة التعامل للحد من التبول اللااراد عند الاطفال في عمر 5 سنوات مع الشكر