استشارة من Em Adam مرحبا دكتور انا الاحد اولدت بعملية وبرضع رضاعة طبيعية وكل ما اقيمها بتضل تبكي شو الحل بتنصحنا وهل حليب اللبا غير مشبع وما بتنام

استشارة من Sawsan Fatooh السلام عليكم دكتور لو سمحت بس بدي اسالك عن ابني عمرو سنه و8شهور لما اينام بشخر وبضل تمو مفتوح ما بعرف حاس انو بمنخارو في اشي متردده اخدو عدكتور شكرا الك

استشارة من Khukha Ayman السلام عليكم لو سمحت دكتور ابني عمره سنة و5 شهور يعاني من اسهال شديد لمدة 5 ايام وحرارة متقطعة ومانع الأكل والشرب غير بكميات فليلة جدا ومصاب بالخمول وراح عالدكتور وعمل فحوصات كله سليم بس الدوا ما فاده ونزل وزنه كتييييير فممكن شو الحل ..شاكرين لحضرتك وجزاك الله كل خير

استشارة من Eman Jarar يعطيك. العافيه دكتور انا اليوم بلشت مع بنتي افطمها عن الرضاعه هي عمرها سنتين وشهر وانت نصحتني انو افطمها لانو ما بتاكل بس شفقت عليها كتير لانو مو راضيه تاكل شي استمر معها واقوي قلبي ولا ارجع اعطيها الرضعه

استشارة من Nadeen Hinnawi استشارة: عمر ابنتي سنتان ونصف ومازالت تشرب الحليب بالرضاعة ولا تقبل ان تشربها بالكأس واعلم ان شرب الحليب بإلرضاعه يؤثر على أسنان الطفل والطريقة المثلى لأتباعها حتى تتتشرب ابنتي الحليب بالكأس

استشارة من Manaro Manora استشارة:دكتور ابني عمره 3سنوات ونصف,,في تقشير دائم بأطراف اصابع يديه ...هل يمكن ان يكون نقص بالكلس او الحديد ...؟وماهو الفحص الذي يتم عمله للتاكد من ذلك...؟

استشارة من ورد الخريف دكتور ..ولادي عندهم الحركه كتيره عمرهم سنه ونص ...يعني بحسهم غير عن ولاد جيلهم .ما بخلو كرسي ولا كنباي ولا جرار الا بطلعو عليه وبحكي معهم انه هلشي خطر الهم بس طبعا ما في استيعاب ممكن تعطيني حل لخليهم يهدو شوي لانه كتير تعبوني

استشارة من Hoor Albaba مرحبا دكتور انا كتبت قبل هلمرة عن ابني سليمان البابا عمره 4سنين وكتير مغلبني وباكل اظافروا صار ما في الو اظافر وبعض حالو وما برد على حد لا في حكي قابل ولا في الضرب وبضل يضرب اختو تفشش اريد نصيحه سريعه

استشارة من Toto Jaarim مسا الخير دكتور ابني عمرو سنة وشهرين هو يصحى كتير باليل ويرضع رضاعة طبيعية وبالليل برضع كتير بس يصحى هل سبب استيقاظه الجوع مع اني بعشيه وبوفرو جو هادئ ومريح للنوم أم توجد اسباب اخرى مع اني احاول فطمه لكن استقاظه بالليل يمنعني لانه لا يعود للنوم الا بعد ان يرضع

استشارة من Seba Nidal مرحبا دكتور انا بنتي عمرها سنتين وانا اليوم اخدتها ع الدكتورة عشان افحص فحص عادي للتاكد انه الاميبا الي كانت معها راحت و بالصدفة الدكتورة و هي بتفحصها لدقات قلبها سمعت صوت خشخشة بالقلب و حكتلي انه يمكن يكون عندها فتحة بالقلب ... ولازم يشوفها اخصائي و اعمللها صورة للقلب مع العلم انه ولا مرة حد من الدكاترة حكالي او انا حسيت اشي مش طبيعي .. الحمدلله كل شي طبيعي و وزنها عادي و دمها منيح وما في عندها امراض او اي التهابات ... لو سمحت احكيلي شو اعمل لاني ما بدي اوديها ع اخصائي لاني خايفة .. و شكرا كتير

استشارة من Suhad Muneeb مرحبا رجاء بالنسبه للجنين بعمر الشهر ممكن يصاب بالجدري اذا الحامل دخلت بيت فيه ام وطفلها مجدرين علما ان الام الحامل لاتعرف ان كانت جدرت بطفولتهاام لا

استشارة من Yasmeen Hongol مرحبا دكتور ما هوى سبب فقدان الشهية عند الاطفال في عمر الخمس سنوات وكيفية استراجاع الشهية لديهم؟

استشارة من BesAn OmAr مرحبا دكتور ما بتئدر تعطيني نصائح سريعه بخصوص كيف انضف بنتي عمرها سنتين و4 شهور عندها رعب من الحمام والنونو..بدي نصائح منك على السريع.

ستشارة من Mais Abu Sair السلام عليكم .. انا بنتي عمرها سنتين . نصحني الطبيب بطعم جديد للاطفال.. على اساس الاطفال الجدد باخدو في الصحه والاطفال الاكبر شوي في عيادة الطبيب.. سعر الطعم 300 شيكل ؟ هل صحيح هاد الشي؟ شو بتنصحني ؟ والف شكر الك

استشارة من Julinar Yaseen Al-Haj مرحبا دكتور ، بنتي عمرها سنة ونص ومو مطلعة غير ٦ اسنان امامية بس ، كان عندها نقص بفيتامين د والدكتور اعطاها دواء لفترة شهر ولما عدنا التحليل كان لسه نازل وكررنا الفيتامين مرة تانية هذا الحكي صارله ٦ شهور تقريبا بعدها طلع ٦ اسنان وصارت تمشي البنت يعني كان عمرها سنة، هلا ما عم يطلع اسنان تانيين ليه ؟ بكون لسه في نقص

استشارة من Rowan Mhmod مرحبا دكتور بس سؤال صغير شو خلع الولاده وشلون بكون فحصو هل بده تصير اشعه او شي من هالحكي؟

استشارة من سو سو السلام عليكم دكتور عندي بنت عمرها سنه وسبع اشهر حركه كتير وبتغلب كتير ما بترد حتى بالاسلوب الحلو ما بترد وعنادها مش طبيعي واخوها عمره اربع سنين هو اكتر منها ما بهدو اذا لعبو بلعب نص ساعه وخلص بزهق وعندهو التكسير شي عادي انا تغلبت معهم شو اعمل بحاول اخليهم ينامو بالنهار مابرضو ولا دقيقه كتبتلهم دكتورتهم دواء اسمهcalmanervin_s خفت اعطيهم منه شو بتنصحني اعطيهم ولا لا البنت عصبيه كتير كسرت كاس بين اسنانها وما رضيت تفتح تمها نسحب الازاز شو اعمل الله يخليك وشكرا

استشارة من Hiba Harb يعطيك الف عافية دكتورنا ويسعد مساك من هبة حرب بنتي عمرها سبع سنوات حاملة صفة الثلاسيميا دمها ما بين 8و9 ما بطلع اكثر من هيك وما بتحب تاكل وشهيتها قليلة دايما ع الاكل بتغلبني شو بتنصحني اعمل معها بدها مقوي او اي شي شو بتنصحني وشكرا الك مقدما...

استشارة من مهند قرنفله دكتور يعطيك الف عافيه وشكرا على الصفحه القيمه افضل عمر للفطام كم وشكرا

استشارة من : Amera Naseer مرحبا دكتور حابه اسألك عن بنت اختي عمرها سنتين ونص ودايما صابعها التنين بتمها حاولت معها انه تلفهم بشاش عشان تنساهم بس مافي فايده وخايفه يأثر ع اسنانها لانهم حتى وهي نايمه بتحطهم بتمها وبتصحى ازا شالتهم حتى لو كانت نايمه ياريت لو تساعدنا وشكرا كتير الك

استشارة من Ola Salileh استشاره من علا دكتور انا ابني عمره 40 يوم ومن اربع ايام صار معه جفاف لانه كان كل ما يرضع يستفرغ الي الحليب الي يرضعه اعطيناه محلول عشان الجفاف واله يومين برضع منيح بس بضل يعيط مع اني برضعه منيح سبب البكاء هو من الجفاف الي كان عنده؟؟؟

استشارة من Rana Tamimi استشاره من رنا تميمي: مرحبا دكتور انا ابني عمره شهر براجع كتيير مع كل رضعه انا ولدته بوزن 4100 وكل شي طبيعي بس مش عارفه شو العلاج لهاي المراجعه لانها كتيير مزعجه وبالنسبه للطفل عادي؟

استشارة من : مسلمة ولله الحمد السلام عليكم ورحمه الله وبركاته مرحبا يا دكتور ابنى عنده 10 شهور وعنده اكياس على الكلى مولود بها عملت اشعه و ذهبت للدكاتره كتير ممكن اعرف معلومات من حضرتك عنها واسبابها ولها علاج وشكرا لك يادكتور وجعل الله هذا الصفحة فى ميزان حسناتك

استشارة من Enayah Lady السلام عليكم دكتور شكرًا بالنسبة لردك عسؤالي الاول انا بنتي نفسها قبل امس بالليل استفرغت ٤ مرات واسهلت مرة ونامت وامبارح اسهلت ٤مرات من دون استفراغ واليوم اسهلت ٥ مرات وكمان من دون استفراغ شو رأيك اعمل انا عندي شراب فلازول هل أعطيها منو واديش أعطيها مع العلم انو اكلها قل كتييير وجبة وحدة حتى سندويشة مش وجبة والإسهال في قطع صغيرة لون ابيض لكن حركتها طبيعية لا تآخذنا بس إحنا هون بالسعودية الطب للأسف عالفاضي وياما حصل معانا أخطاء طبية وشكرا وعمرها بالضبط سنتين وخمس شهور

استشارة Reem Oo صباح الخير دكتور أنا إبني عمره 3 شهور تقريبا بس في مقدمة راسه في قشرة ما بعرف ايش اسمها إلي بتطلع للأطفال سألت دكتور حكالي عادي ما أعمل شي لإلها بتروح لحالها بس يكبر ..بس أنا بحممه يوميا تقريبا ...ايش في حل الها لإنه منظرها مؤذي مو حلو بالمرة

استشارة من Duaa Ismail Daqa مرحباً دكتور ،أنا عندي بنت عمرها سنتين ونص بلشت تمشي لما صار عمرها سنه من يومها وهي بتمشي ع روس أصابعها انصحني شو اعمل مع أني دائماً بذكرها انها تمشي منيح بس دغري بترجع تمشي ع روس أصابعها ودائما رجليها مشدودين .

استشارة من : رمل البحر مرحبا دكتور حابه استفسر منكم عن مرض الاطفال ضمور في الدماغ من الجهه اليسرى للدماغ ... الطفل عمره 8 شهور عنده ضمور في الدماغ الجهة اليسرى ما تاثيره وماهي اعراضه والسبب حدوث هذا المرض

استشارة من :Mais Sawafta مرحبا دكتور انا بعطي ابني حليب نيدوا بس بلش السنة وهلأ عمره سنة و11 شهر بس اكله خفيف وكلسه ضعيف هل حليب النيدو اله علاقة بهاد الشي شو الحل برأيك

استشارة من ليكم دكتور انا كاتيا جوابره ببعتلك من قطر، عندي سؤال بالنسبه لإبني عمره شهر ونصف فجأه صار يستفرغ الحليب الي بشربه وصار يرفض يشرب الحليب اصلا فقط كميات قليله جدا. ( وهو يعتمد على الحليب الصناعي نان) وهو لا يعاني من حراره مع العلم ان اخته كانت مريضه تستفرغ قبله ونحن حاليا في اجازه في الاردن وقد تم عرضه على طبيب وتم وصف دواء motilat لتثبيت المعده ومضاد حيوي اذا كان هناك التهاب ودواء لفطريات الفم ومحلول للجفاف.

استشارة من : Rawand Hafez صباح الخير دكتور بنتي عمرها 3 سنوات من كم يوم صابها وجع ببطنها ومراجعة واسهال خفيف شخص الدكتور حالتها انها فيروس وبيومين بنتهي وما اعطاها الا اكواسال...اتحسنت يوم ورجعت تعبت اكتر كل الي بتاكله بالنهار بترجع وبتراجعه بالليل مع وجع شديد يالبطن..عملتلها فحوصات ما طلع بالبراز شي بس اتوقع الدكتور تكون معها أميبا..اعطاها انتوجيل وسلبريم..اتحسنت شوي ووجعها خف بس المشكلة صابها اسهال شديد اكتر من اول ورائحته كريهة وصمغي كتير وبطلت لحق عليها وصارت تخرجه من غير ما تحس...سؤالي اذا هالاسهال من الدوا؟؟؟وشو بقدر اعملها لحتى يخف اسهالها؟؟؟؟ارجو الرد بأسرع وقت ممكن وشكرا

استشارة من : Yasmeen Masri Alul دكتور ازا في امكانية توضحلي عن الكوكساكي....العدوى...مدى خطورته ....الحبوب بتعلم؟؟؟

استشارة من : Aseel M Z Sawalhi em laith ...ابني عمرة 9 شهور ... بسمع الامهات انة بيعطوا اولادهم بهذا العمر 150-180 مل حليب 4 او 5 مرات ؟؟!!!! غير الوجبات ... انا ابني ما بيوصلو 120 مل طول اليوم حتى احيانا 90 مل و بعطي من 3 وجبات ل 4 وجبات في النهار و بالغصب كمان ..انا برضعو مني مرتين او 3 باليوم بس بتكون ( بلة ريق ) زي ما بقولو يعني دقيقتين وبس عشان ينام وما توصل 30 مل انا متاكدة .. وزنه ابني 8 كغ و حركتة كتيرة ..برايك طبيعي اكله ولا بحتاج اعملو وجبة خامسة بالحليب لانة ما برضع ؟؟

استشارة من Doãa Sãlãh Nãtsheh مساء الخير دكتور..يعطيك العافيه ممكن اعرف الايجابيات والسلبيات للجل الذي يستخدم على لثة الاطفال في مرحلة التسنين؟ وهل هناك ضرر من اعطاء الطفل الجرعه المحدده لعمره من (الاكامول)لتهدئته حتى وان لم يكن يعاني من الحراره؟ وحتى اي عمر يجب غلي الماء المستخدم في تحضير حليب الطفل او استخدام الماء المعقم؟

استشارة من Manal Atyani السلام عليكم دكتور هل التصوير الطبقي المحوري يؤثر على دماغ الطفل . ابني عمره خمس سنوات اضطررت لتصوير دماغه عندما كان عمره ستة اشهر حتى نتأكد اذا كان معه تشنجات او لا لانه عندما ولد عانى من نقص الأكسجين فقط اثناء ولادته، وعندما بلغ من العمر سنتين ونصف تأخر عن الكلام ذهبت به للطبيب ونصح بتصوير الدماغ مرة اخرى حتى يعلم اسباب تأخر النطق الحمدلله الدماغ سليم وبالفعل بدأ بالكلام مؤخراً ولكني لا اعلم مدى تأثير التصوير على دماغه؟

استشارة من ALa' Jazmawi مرحبا دكتور .. انا بنتي عمرها 3 سنين ومن قبل اسبوع طلع عليها حب عبطنها وكم حبه عضهرها واللي شافوها حكولي انه الجدري المي وعطول جبتلها من الدهون الي بتستخدم .. وحكولي بكرا رح يزيد ويطلعلها على اماكن محدده .. وحتى ما صار عليها سخونه وهاد الحكي صرله اسبوع تقريبا وما زادو بالمره وبلشو يخفوا .. معقول يعني انه مش هو يطلع .. كيف بدي اتأكد خايفه اركن بالمستقبل انها جدرت وتطلع لا .. ممكن تعطيني رأيك دكتور والله يعطيك العافيه ...