استشارة من مريم يوسف‎ ابني عمره 7 شهور بس ما بينام بنهار هل هذه الحالة خطره ام طبيعي؟؟

استشارة من Nada Alsabah السلام عليكم...دكتور ابني عمره سنتين قبل كم شهر كان عنده نقص حديد وبعطيه حديد حسب الكميه اللي وصفلي اياها الدكتور .واكن بلاحظ لون برازه اسود غامق وعنده امساك هل هاد بيعني انه عم بستفيد من الحدبد ولا انها كمية الحديد زياده عن حاجته ..وشكرا

استشارة من رنا الأحمد‎ صباح الخير انا ابني اسمه يزيد وعمره سنه من 3 اسابيع فطمته عن الرضاعه الطبيعيه وبضل منكد ويعيط دكتور شو بتنصحني اعمل وشو اطعميه وهل حليب البقر منيح اله والا لا وشكرا الك دكتور

استشارة من وفاء الأصدقاء‎ السلام وعليكم جزاك الله خيرا علي مجهوداتك انا من غزة لدي طفل عمره سنه وشهرين لاحظت من موجه البرد الي اليوم انتفاخ بسيط بس ملحوظ علي ايدي صغيري مع احمرار وبروده في يديه وقدميه ماذا افعل انا ملبساه الكفات والجرابين ليل نهار

استشارة من Rume Ana صباح الخير دكتور انا ابني اسمه معتز عمره سنه و5 أشهر باخد حليب progress ولاحظت انو من وقت مااستعملته صار يطلع رائحة فم ممكن اعرف السبب اذا سمحت وكيف ممكن اتعامل مع هيك موضوع رغم انو لسه برضع مشكور دكتور

استشارة من אחמד ותולין סדר‎ صباح الخير بنتي عمرها 4شهور شو بقدر ابلش اطعميها غير الاكل الجاهز تاع الاطفال

استشارة من Rabab Rahhal مرحبا دكتور..يعطيك العافية. ابنتي عمرها 10 شهور لاحظت منذ كان عمرها 4 شهور بروز في مقدمة الراس من جهة اليمين اكتر من الشمال...طبعا كثبر حكولي لانو البنت بتنام على نفس الجهة...منذ ذلك الوقت وانا احاول تعديل وضعيات نومها حتى ترجع شكل الجمجمة طبيعي..ولكن التحسن كان خفيف البروز يظهر بشكل واضح عند النظر من الاعلى على الراس .او عند الاستحمام...مع العلم اختها الاكبر حدث معها نفس المشكلة واخدتها لطبيبة وقالت لي سوف تتعدل مع الايام ..بس بنتي صارت 7 سنين ومشكلتها موجودة.واخاف ان يتكرر هذا مع ابنتي الصغيرة ابنة ال 10 شهور..وشكرا..معلومات.انا من بيت لحم

استشارة من Nana Hayek بنتي عمرها شهرين و20يوم من غزه بتبكي كتير وما بتقبل تاخد حليب صناعي كيف بدي اخليها تقبل تاخدو مع اني غيرتلها النوع اكتر من مره وكيف بدي اخليها تقبل اللهايه.

استشارة من ام قيس‎ انا ابني عمر 48يوم ولساتو براجع كتير ومرات براجع من انفه

استشارة من Hala Amad دكتور انا بنتي عمرها 3ونص شفايفها كتير ناشفه شو بكون السبب مع انها بتشرب مي وبتاكل

استشارة من Dana Dana بنتي عمرها 3 سنوات وما بتشرب الحليب بالمرة بس هيا بتشرب كاسة لبن باليوم هل هاد الكمية كافية ؟وشكرا

استشارة من Amani Sami مرحبا دكتور ابني عمره سنه حاليا مصاب بفيروس الروتا كتير مغلبني ممكن تعطيني شوية نصائح وكيف ممكن اخليه يتعافى بشكل اسرع ؟ وجهودكم مشكوره

استشارة من Rifqa Edis دكتوور انا ابني عمرو 11شهر قبل اسبوعين تقريبا وديتو عالدكبتور كبتتبلي الو مضاد حيبوي اوجمنتين400 وتوسيببال مقشع واوتروفين بخاخ للانف وعمل تبخيره فنتول بس مش لاقيه تحسن لسه في رشح كتير وجرشه بالصدر وقحه قويه وحرارته اول كانت 39.5 هلاء صارت38 بس مابتنزل اكتر وبعطيه تحاميل 150 هل بضروازا ضليت اعطيه تتتحاميل ولا عادي واسفه ع الااطااله وكمان هو بسنن جديد ازا في شيي يكون مهدأ الو لأنو مابنام بااالليل ابدا وشهيتو للاكل شبه معدومه وشكرا وبتمنى الرد

استشارة من Sara AlBorno ابني عمره سنتين من غزة كتيير بمرض و بتنزل لوزه وبصير عليها صديد و بيرشح .. عرضته على كذا دكتور وعملتله تحاليل وحكالي ما تقلقي بس مش عارفه كيف ممكن اقوي مناعته مش حابه يفضل ياخد مضاد حيوي

استشارة من Sma Alaa صباح الخير \ ابنيي بدا بالشهر الخامس وعندو قشرة براسه رفعتها بزيت الزتون والمشط بس ضايل منطقة الننافوخ الطرية خايفة منها هل اللي عملتو صح وهل في شي تاني بيشيل القشرة مع العلم كانت القشرة تطلع ويطلع معها شعر راسه

استشارة من ياسمينة الحياة دكتور مسا الخير .... شو في اكل بنئدر نبعتوا مع ابني ع الحضانة عمرو سنة و 3 شهور

استشارة من Manar Hawi السلام عليكم... ابنتي عمرها خمس اشهر بتاخد حليب اصطناعي S26 بالاضافة للرضاعة في داعي اعطيها حديد لانه الحليب فيه حديد و شكرا

استشارة من Ghfran ALnassan طفل عمرو خمس شهور كل ما ياكل سيريلاك بالارز بيصير كل جسمو حبوب وبعد ساعتين من الوجبة بتهدا الحساسية هل استمر بالسيريلاك او اوقفه؟

استشارة من Ola Yahia Bakeer صباح الخير دكتور..انا حامل بشهري التاسع..مكان السكن الدمام - السعوديه..سؤالي..كم مره بيلزم رضاعه للمولود الجديد وهل انا قادره عالرضاعه من ساعه الولاده..خاصه اني رح اولد عمليه..بتنصحني استعين بالحليب الصناعي؟ وكم بلزمو مرات حمام بالاسبوع..خاصه انا هون لحالي وماحد من اهلي معي..شكرا

استشارة من EM Loai Al Shawa يسعد صباحكم بنتي عمرها سنة ومع الجو فلوزت بس معها سخونة بتروح وبتجي هالشي بيخوف ولا مع الفلونزة

استشارة من Lotus Flower يادكتور بنتي عمرها سنه شو بتنصحني اعطيها حليب

استشارة من Ali Hatrosh Altimmimi السلام عليكم ورحمة الله وبركاته دكتور... ابني عمره اربع شهور ونصف سبق وارسلت استشارة لحضرتكم دكتور بخصوص عدم نومه نهارا ابدا او نومه الذي لا يتعدى عشر دقائق ونومه المتاخر ليلا واحاول معه بشتى السبل لكن عبثا يظل يبكي او يبدو عليه الانزعاج والتضايق ولا اعرف ماالسبب البارحة اعطيته قطرات ادول مسكن الالم بجرعة 0.6 مل كما مكتوب على الدواء فنام فلقد تعب واتعبني , وسؤالي الاخر هو : متى يثبت الطفل نفسه بدون ان يهتز عند حمله مثلا لان ابنتي الاكبر منه اذكر انها في عمره كانت اثبت منه وابني الاحظ ان حركته كثيرة عند الرضاعة والنوم فمانصيحتك دكتور؟ شكرا لجهودك دكتور وبالتوفيق ...

استشارة من Amany Aljamal مرحبا دكتور : عندي طفل بيطبق سنتين الشهر الجاي ومفترض إني أبدأ أعوده عالحمام ولكن الناس بقولولي لا أحسن خليه للصيف عشان الجو بيكون دفي .. باعتقادك هل التوقيت له علاقة بتعويد الطفل على الحمام وبماذا تنصحني؟

استشارة من Salwa Abu Zant يسعد صباحك دكتور انا من نابس ابني عمرو 4 شهور في صوت خنخنة بتطلع منو خاصة بالليل استخدمتلو بخاخ بس مناخيرو انضاف وما راحت الخنخنة شو السبب بكون اسم البخاخ otrisalin

استشارة من Kuzeda Fatayer يعطيك العافيه دكتور... ابني في الشهر العاشر ونحنا سكان دبي وكتير بنستفيد من صفحتك بالغربه . ابنب مطلع 3أسنان من فوق وسنين من تحت بس المشكله انه عندو عاده كتير بشد ع سنانه وبسرك سرك فيهم والصوت ملحوظ وكأنه مكتشف شي جديد بهالحركه ...شو السبب وهل هالشي بأذي سنانو وشكرا كتير الك

استشارة من عبير أبوغوش‎ السلام عليكم دكتور شكرا على المعلومات المفيده الي بتنصحنا فيها لو سمحت ابني خالد عمره 3 سنوات ونصف وانا مقيمه بدوله خليجيه ما في اطفال يلعب معهم بحس شخصيته صارت ضعيفه وانطوائي وخجول كتير وبخاف من اشياء عاديه حتى لمن ولد بضربه في مكان عام بخاف يدافع عن حاله ما بدي يكبر على هيك كيف بتنصحني اتعامل معه وهل للايفون تأثير بهيك حاله لانه بعطيه ياه يوميا يلعب فيه مشان ما في وسائل تسليه غيره وشكرا كتير

استشارة من Om Yosef عندي بنت عمرها 9 سنوات من نابلس بتعاني من حساسيه بالانف واكتر من مره حكمتها بيعطوني aerius بتتحسن شوي وبعدها بترجع زي الاول عطس مع سيلان ولونو طبيعي ياريت يكون عندك حل وشكرا على جهودك يا دكتور

استشارة من Shaza Ashqar ابني عمره 11 شهر مواليد 5/1/2013 من سكان مدينة قلقيلية . المشكلة انه بصحى كتير بالليل وبكون يعيط ويصرخ باعلى صوت يدوب ينام بالليل 4 ساعات وباقي الوقت بالليل بقضيها عياط أما بالنهار بلعب وبضحك ولا فيه اشي وبنام بالنهار من 30 دقيقة ل 45 دقيقة فقط لا غير .. زادت حالته سوء من لما فطمته من شهر.. طبعا دائما مريض ما بطيب الا برجع يمرض عطول .. عملتله فحوصات دم كل اشي منيح دمه 12 وعملتله صورة لصدره مابين فيها اشي .. بالنسبة للتسنين طلع 3 اسنان (اتنين تحت وواحد فوق وبس) ولحد الان ما بمشي لحاله ... ما بعرف شو اعمله لحتى ينام منيح حتى بطل يكسب وزنه 10 كيلو حتى الفنستيل بطل ينفع معه .. شو الحل لحتى يهدا وينام

استشارة من ‎زهرة الريحان‎ بنتي عمرها سنة وشهر بتضل طول فترة الصبح مبسوطة وتضحك بس ييجي وئت النوم بتضل تبكي وما بتنام طول الليل ما بعرف آيش لازم أعمل بهالمشكلة بليز إنصحوني

استشارة من Hala El Alem بنتي فرح عمرها شهرين ونص ،،، باعاني من انه بنتي اخراجها كلو بيطلع لفوق ع ضهرها ،،،من بداية ولادتها باستعمللها بامبرز التركي،،، ما كانت هيك بالاول بس صارلها فترة على هالحال ،،، مش ملاحقة غيارات وبامبرز تقريبا كل ساعتين تلاتة بغيرلهاااا،،، جربت انيمها ع الجنب وع ضهرها وبطنها وكلو نفس المشكلة ،،، شو الحل ؟؟؟؟؟؟؟؟؟ في مين المشكلة ؟؟؟؟

استشارة من Jasmeen Nassar ابني كريم عمره 4 شهور برضع مني الي اسبوع بضل يعيط وبدو شي يحك لثتو في وغير هيك كل 8 ايام ليخرج مابعرف هذا امساك ولا شي طبيعي وفي داعي اعطي دواء

استشارة من الوردة البيضاء‎ يسعد صباحك دكتور أكرم... أنا من نابلس .. عندي ابني البكر عمرو 7 أشهر الحمد لله كل امورو تمام الا شغلة راسو ما بقبل ينام الا ع جهة اليمين لهيك أثر ع شكل راسو وحاولت احط تحت راسو من الجهة اليمين مخدة بتمو يدايق وبصير يبكي .. احكيلي شو اعمل والله حماتي جننتني كرهتني الخلفة كل ما بتشوفو بتقلو في براسو شي مع اني سألت دكاترة من العراق ومصر وسوريا كلهم بحكولي بزبط بس بدو وقت الا الدكتورة حمااتي كرهتني حياتي ... اللله يخليلك ولادك طمني بزبط شكل راسو ولا شو اعمل............

استشارة من Israa Ghnaim رام الله// ابني محمد عمرو 6 شهور .. وما بنام منيح .. بصحى بالليل اكتر من 5 مرات وبكون جوعان مع العلم اني برضعو ساعة كاملة قبل ما انيمو .. وبلشت اطعميه جديد ومع هيك ما بياكل منيح شو المشكلة ؟؟

استشارة من Walaa J. Mheidat بنتي عمرها سنتين ونصف ... تغير طبعها منذ خمسة اشهر وبالتحديد منذ بلغ اخوها ستة اشهر .. اصبحت تخاف من الغرباء والضيوف وتبكي باستمرار وعادت الى. عادة التبول اللارادي مع انها انجزت هذ الامر بنجاح... حتى اذا ضحكنا تظننا نسخر منها !! اصبحت مصدر الازعاج للجميع وبدات افقد السيطرة على اعصابي وكل الشكر لك / اربد /الاردن

استشارة من Rana Fayez هل هناك حاجة لعلاج السوس للاطفال في عمر 3 سنوات علما ان السوس اكل جزء من السن ام نترك الأسنان للتبديل