استشارة من Om Mhammad
مسا الخير الاهل الخير

يعطيك العافيه دكتور

ابني محمد

العمر سنه وثمانية اشهر

الوزن 14

س1
انا برضعوا طبيعي بدي اعرف بضروا ازا كملت لسنتين
س2 كيف افطموا بطريئة صح
س3 حاولت اعودوا ع الحليب ما بئبلوا شو الحل ؟وشو الحليب الانسب العمروا

يا ريت تفيدوني بالموضوع الانوا مو عارفه المناسب ومو حابه ابني ينضر

عيادة الاطفال
كملي لسنتين 3 رضعات يوميا لا اكثر مشان ياكل منيح الفطام : بكل بساطة فهميه انه رح ينفطم ولو شو ما عمل مارح يرجع يرضع سواء لو ما اكل او شرب حليب واحكي معه بحزم وافطميه والمهم ما تضعفي اذا عيط و ما تشعريه انك زعلانة عليه ولو ضل يعيط واصبري ويومين ورح ينساكي ورح تتحسن شهيته واكله ورح يرجع يشرب الحليب بكمية مناسبة ( يجب اعطاء الطفل بعد السنة فقط 500 مل من الحليب ) وانصحك بالنوم في الليلة الاولى بغرفة اخرى ليس مع الاب لانه عالاكيد رح يحكيلك رضعيه وخلصينا وتفشل الخطة والحليب الانسب بروجرس