استشارة من Ghadeer Ghazal صباح الخير دكتور... ابني عمره 4 شهور ومن يوم مانولد مرشح،، في بنفسه صوت غريب زي خنه

استشارة من أم بكرة ابني عنده طعم الشهرين هل اعطيه تحميلة الصبح مع الشكر

استشارة من Raneen Bizreh Miari مرحبا دكتور يعطيك العافيه بكرا طعم ابني الشهرين وهو بعطس كتير وعلى الاغلب العدوى مني لانه انا بعاني من فلونزا ما في مشكله للعلاج مع الطعم ؟؟؟ وانا بساعد ابني بالرضاعه مو بشكل كامل بيرضع مني عادي لو اخدت علاج والا بأثر عليه وشكر كتير دكتور

استشارة من Lama Akoubeh يعطيك العافية دكتور. ممكن حليب البروميل جولد يعمل غازات بشكل مؤ طبيعي ابني عمرو ست شهور اول يومين انتقلت فيهم لا بروميل ما كان في غازات بس بعدها صار عندو كتير غازات وطول اليوم. هل أغير الحليب ولا انتظر ليتعودعليه شكرًا

استشارة من Yasmeen Masri Alul يسعد مساك دكتور.....بنتي عمرها 3 سنين....مشكلتها بلشت من الخميس الماضي كانت كتير سخنانة توصل حراتها 39.9 ... كان عندها التهاب في لوزها اعطيتها ازيمكس....ضلت حرارتها مرتفعة لغاية يوم الاحد....طبعا كنت اعطيها acamoli 250 كل 4 ساعات و تنزل يدوب لل 38.2 ....في الليل تزيد... كمادات و اكامول و تضل 39 اضطر اعطيها تحاميل روفينال 12.5 ....تصمد لل 6 ساعات و ترد ترتفع ..... يوم الاثنين خلصت دوا الالتهاب و الحمدلله رجع كل شي تمام..... بس اول مبارح (الخميس ) في الليل ردت حرارتها طلعت لليوم و هي عندها سخونة 39 .... في رأيك ممكن تكون شغلة فيروس تقعد كم يوم لتاخد حدها و تروح لحالها و اضل على الاكامول و الكمادات؟؟؟؟ ولا ممكن يكون شي غير هيك....شكرا ككتير و اعزرني طولت عليك بالكلام

استشارة من Tayma Saabneh مساءك خير دكتور, لو سمحت تحكيلنا عن متلازمة داون "الطفل المنغولي" ونسبة احتمالية إصابة المواليد بها, وكيف ممكن نتفادى انجاب أطفال مصابين بها, وما هي أهم الأمراض التي يصاب بها هؤلاء الأطفال بعد الولادة , وفي سن الطفولة العادية؟ وكيف يفضل التعامل معهم ؟ ويعطيك العافية

استشارة من Amal Baddad مرحبا دكتور انا عنديطفلة عمرها خمسة شهور الاحظ عليها النوم الزائد فهي بتنام طول الليل للصبح وفي النهار بتنام نص النهار تقريبا علما انها بلشت بهالطبع بعد الشهرين ونص تقريبا وعلما انها اخذت كريم dermovate وهي لساها بيبي لمعالجة اكزيما اطفال يعني عالاربعين يوم تقريبا مع العلم انها كمان بتنصح بشكل ملفت فهل يمكن ان يكون للكريم اي علاقة بهذا النوم ؟لانه نومها بيشبه الخمول كتير خاصة انها ماكانت هيك لحديت الشهرين ونص تقريبا وقبل هيك كانت طبيعية جدا تصحى بالليل وتبكي وترضع بالليل وتنكد وتغلب للنوم اما بعدها لليوم فنومها كتير سهل والكل حوالي بحكولي انه طبيعي بس انا امها وحاسة انه في شي لانه فعلا حاسة انه نوم مش طبيعي وخايفة كثير ومش واثقة بكلام دكتور البلدة عنا انه نوم طبيعي بتمنى تفيدني وشكرا كثير الك.

Diana Ziad Al Akkad-Johary يعطيك العافيه دكتور .. بنتي عمرها 7 أشهر .. هل من هذا العمر ممكن ان ياكل الأطفال كل شي ؟ ام في نوع معين ما لازم ياكلووه ؟ و هل مسموح انه تاكل كل يوم بيضه برشت ( نصف سلقه ) او لسا بكير ؟

استشارة من Razan Atera مساء الخير دكتورنا الكريم ... محمد صار عمرو تسعة شهور وكل شي تمام التمام ... بس اليوم لاحظت وجود متل حبوب او فطريات بيضاء على لسانو ... ممكن اعرف شو المسبب وشو العلاج ؟؟ شكرا

Faraj Sarawi مرحبااا دكتور اكرم .. انا عندي بنت عمرهاااا سنه ونص دايمااا عندهااا التهاب متكرر في الاذن الوسطى ونكد شو تنصحني دكتور اكرم ؟؟؟؟ شكرا الك

استشارة من Em Adam بنتي عمرها 14 يوم الله يحماها يا رب بس ارضعها دكتور بعد ما تخلص بتراجع عكنو كل الحليب هل هاد خطر او شي ولا لازم اساعدها بحليب صناعي

Muna Hashem مرحبا دكتور اانا عندي استفسار عن الحليب ..بنتي عمرها سنة و5 شهور وكتير غلبتني بالحليب الصناعي حاليا انفطمت عن الطبيعي وبالنسبة للصناعي صارت ما تكمل غير 90 مل ازا مش اقل من اصل 180 مل كل رضعة !!!فجأة وبدون سبب...وقبل كم شهر كانت تاخد بروجرس كيدز وفجأة بطلته وضليت اجربلها كتير انواع لحتى رجعت قبلت سيميلاك غين بلص كمفورت..كيف بتقدر تساعدني لانها بس بالحليب بتغلبني ما بعرف شو اعمل معها ؟؟ويا ريت ازا اي حد من الامهات عندهم اقتراحات بيقدرو يساعدوني..وشكرا الك

استشارة من أم محمد السلفية من فضلك يا دكتور ابني عمره ماشاء الله 11شهر ومنطقة اليافوخ اغلقت تقريبا هل في هذا شئ لاقدر الله وهو لسه مسننش لكن بيمشي مسند ويحبو ويقف وحده دقائق بسيطه والحمدلله بيقلد وينتبه لاسمه ويقول اخ وادده وبا با وما ما وتاتا

استشارة من Samah Sadder لسلام عليكم دكتور انا عندي بنت عمرها سنة وشهر ولما تبكي بتغشى وبتغير لونها وبنقطع نفسها هادا الوضع طبيعي عند اي طبيب لازم اراجع فيها

استشارة من Lana Toameh يعطيك العافيةدكتور انا ام لانا بنتي عمرها شهرين و10أيام بترضع طبيعي بدي اسأل احيانا بتكون تعيط وهي ترضع وتشد عحالها هاد بكون مغص؟ وكمان بدي اسأل بأي عمر الطفل بميز إمه وبعرفها؟

استشارة من Hanan Maayah Owais ابني عمره 5 شهور و 9 ايام وزنه 6كيلو و 400 غرام حابه اعرف ازا هاد الوزن طبيعي و اللا ضعيف انولد 3 كيلو و 300 غرام بس اكله خفيف عم اعطيه سيريلاك قمح مرتين باليوم 4 معالق و رز مسلوق و مطحون ع البلندر مرتين باليوم و ما بيرضى يشرب حليب اللا و هو نايم بالليل وجبتين حركته منيحه ماشالله و عصبه منيح كمان طمنوني الله يخليكم

استشارة من Sa Ma R دكتور انا بأبني خالد بس دخلت الشهر التاسع وراجعت طبيبة حكتلي انو المي ناقصة وانو حركة الجنين قليلة وطلبت مني اروح عالمستشفى واعمل تخطيط لحركة الجنين وعملتها وكتبولي بسبب حالتي اني ادخل ولادة بطلق صناعي تاني يوم دخلت من ساعة 9ص لساعة 9بليل ومافي عندي اي توسع او ولوجع كان خفيف واعطوني طلق مرتين وفتحولي مي راس عالفاضي بالاخر ولدوني قيصرية لانو بتخطيط ونبض خالد قل كتير فدخلوني بسرعة عالعمليات وجبت خالد بصحة وسلامة الحمدالله..بس انا يادكتور مو عارفة لهلا سبب نقصان المي مع اني كنت كتير مهتمة باكلي وشربي والفيتامينات وكل شي ومو عارفة انو مع انو اعطوني طلق ماصار معي اي توسع يعني معثول الفلط مني خايفة ارجع اكرر هالتجربة مرة تانية ..وصحيح انو ازا حملت هلا بكون خطر عحياتي واني ازا قررو اكمل الحمل حكون تحت المراقبة واحتمال القيصرية كبير انا والدة صارلي 8شهور

ستشارة من Tayma Saabneh يعطيك العافية دكتور, ما أسباب تقشّر الجلد او تسلخه من عند أطراف الأصابع عند الأطفال ؟ ومرات بيكون ينزل الدم من كتر التقشير , وشو العلاج؟ في ناس بيحكو انه نحط "مناكير" عليه, هل هاد الشي مفيد او مضر؟

استشارة من Dandon Aboud مساالخير دكتور بدي أسألك عن إبني هلأ عمره 3 سنين و9شهور بتحرك كتير من هوة صغير وخصوصاً لما يكون عندي ضيوف ما برد علية على العلم انو لما مايكون ضيوف برد علية نوعاً ما أهون من لما يكون في ضيوف وانا كتير الحركة الي عندو مغلبتني ومش عارفة كيف اتعامل معاه خصوصاً عند الضيوف كتير بنحرج إذا ممكن تفيدني وشكراً

استشارة من Angel Rahaf دكتوووور بنتي ما بتنااام معاها امسااااك ومطرح الخرووج احمر كتيررر وخروووجها دوااائر قد الشيكل ((اسفة عالتعبير)) مع العلم اني بشربها عصائر طبيعية واكلها لين القوااام .. يمكن من التسنين !! شو الحل دكتور الله يخليك

استشارة من Niveen Shaheen مسا الخير بالنسبة حذاء الفلات فوت لازم طول ما هوي ماشي لازم يضل لابسه كم ساعة يضل لابسه

استشارة من Fedaa Abu-AlHija مرحبا دكتور بنتي عمرها 9شهور ووزنها تقريبا 10كيلو هل وزنها طبيعي أ عندها زياده بالنسبه لعمرها وكم رضعه باليوم أعطيها

استشارة من agoFaraj Sarawi مرحبااا دكتور اكرم .. انا عندي بنت عمرهاااا سنه ونص دايمااا عندهااا التهاب متكرر في الاذن الوسطى ونكد مو طبيعي دكتور شو تنصحني دكتور اكرم ؟؟؟؟ شكرا الك

استشارة من Mahmoud Suradi السلام عليكم دكتور ابني عمره 4 اشهر ويوجد في اسفل اذنه اليسرى شق صغير يشبه التسلخ في الجلد والطفل دائما يحاول القيام بحكه اذا ما فيها ازعاج دكتور شو ممكن يكون ؟؟ وما هي طريقة التخلص منه مع ذكر اسم مرهم معين

استشارة من BesAn OmAr مرحبا دكتور من فترة طويلة ملاحظة وجود تجمعات حبوب صغيرة جدا من لون الجلد واحيانا بتصير حمرة عوجي بنتي واجريها من فوق وما بيروح نهائيا شو بتكون هادي الحبوب وشو علاجها؟؟؟؟

استشارة من Niveen Shaheen يعطيك العافية دكتور ابني عمره سنتين بحكي بعض اي كلمة بتحكيها بس ما بقدرش يربط بعض الحكي مع بعضه وبالنسبة لتعليم الطفل الاعداد وكلمات ومعانيها بالانجليزي بهاد العمر امنيح

استشارة من Tayma Saabneh يسعد مساك دكتور, ايش أعراض "الصرع" عند الأطفال ؟ كيف ممكن نعرف انه هاد الطفل ممكن يكون عنده صرع, وكيف بيكون العلاج؟ وهل هاد المرض وراثي ؟

استشارة من Em Adam صباح الخير دكتور بنتي عمرها 13يوم الله يحماها طالعلها عرقبتها حبوب حمرا وعلى وجها كم حبة صغار شو هاد دكتور وشو الحل؟ ولكم جزيل الشكر

Noor Nassarاستشارة من مرحبا دكتور بكي اسال ابني عمره سنه وتسع شهور وبشرب كتير حليب باليوم يعني بينة3 او 4 رضعات باليوم عادي هيك! ولا كترر الحليب بضر ؟ وفي كمان مشكله انه لما ييجي ينام القيلولة تاعته اللي بالنهار كتيييير بنطز وهو نايم وجسمه بنهز كله ياحرام فانا خايفه عليه ممكن اعرف شو السبب دكتور؟ واسفة عالاطالة وشكرا كتير :)

استشارة من Maryam Al-Shaeer السلام عليكم دكتور أكرم. بارك الله فيك و الله كلمات الشكر تعجز عن شكرك لما تقدمه لنا. بنت أختي عمرها تقريبا 18 يوم. لاحظنا انو سرتها ما نشفت و بطنها منتفخ جدا و كا ن تبرزها الله يكرمك ممتاز من مرتين لثلاثة مرات في اليوم. بتضرع طبيعي و وحدة رضاعة صناعي. الحليب المستخدم Premium Care . أخذناها على الدكتورة و غيرت الها الحليب لحليب تاني أخف على المعدة اسمو Biomil Plus . و وصفت الها علاج عبارة عن سائل... لونه موف غامق بنمسح منو على السرة. و علاج ثالث لتحسين الهضم اسمو Protexin- Restore . البنت اجاها امساك بعد أول رضعة حليب او يمكن من أمها لان امها عندها امساك. لمن أعطيناها البروتكسين بتتبرز و لو ما اعطيناها ما بتتبرز. و بتقعد المسكينة تضغط عشان تتبرز. الشئ الثاني الان هيا بتنام الليل و بتصحى الصباح و الله يمكن كل دقيقتين بتصحى و بس نحملها بتنام. و بحمر وجها كتير ...

استشارة من هدووء آنثى مرحبا دكتور .. لو سمحت انا ابني عمره 10 شهور وجديد حاولت اعطيه حليب صناعي بس ما قبلوا شو الحل عشان اخليه يقبلوا يعطيك العافيه

استشارة من Hoba Rh السلام عليكم ابني عمره 4سنين كان عنده التهاب مزمن في اللوز ممكن مره كل شهر ولما عملت التحاليل علشان اعمله العمليه الدكتور قالي ان فيه ميكروب سبحي وعمله تسمم في الدم ومش هاينفع نعمله العمليه دي نتايج التحاليل esr في الساعه الاولي 23 والساعه التانيه 50 crp1,5 asot523 bt 1;30 ct5:00 ptt31.2 inr1.06 وفي تحليل البول many uric acid ممكن اعرف ايه حالته لاني قلقانه جدا عليه وتنصحوني اكمل مع دكتور انف واذن ولا اكمل مع دكتور تاني وتخصص ايه ....هو بياخد اوجمنتين اس 600 لمده 15 يوم هل كده كفايه ولا هيحتاج ادويه تانيه .......اشكركم علي مجهودكم وارجوكم تطمنوني

استشارة من Fedaa Abu-AlHija مرحباً دكتور حابه أسألك: بنتي من عمر الشهرين كان عندها إمساك بالشهر الرابع والخامس تقريبا صارت أحسن وبعدها رجعلها الإمساك هلأ عمرها 9شهور وصار وضعها أسوأ بتخرج كل يومين بس بصعوبه ببتوجع كتير ولازم أنا أساعدها وبنزل شوي دم مع البراز وبنزل الله يكرمك صلب كتير مع العلم انها بتشرب مي كتير وبتاكل فواكه وخضار شو السبب برأيكم والله بحزن عليها وتعبت نفسيتي وآسفه عالإطاله

Haloosh Hani دكتور ازا ممكن علاج السماط عند الاطفال

Tayma Saabneh استشارة من يسعد مساك دكتور, فوائد أو مضار شرب الشاي بكثرة للأطفال,, وهل بأثر على الحليب اللي بيشربوه, وعلى النمو بشكل عام للطفل ؟